Édith Piaf

Édith Piaf (19 Desember 1915 – 11 Oktober 1963) ima sada iantara parende Perancis na lobi iolongi dot manjadi lambang pop negara on. Musiknia satontang hangoluannia na dangol, dohot ia tarutamo balada na tajom na i endeon dohot sora na mambaen marosros ate-ate. I antara ende-ende nia na paling tarmashur ima "La vie en rose" (1946), "Hymne à l'amour" (1949), "Milord" (1959), "Non, je ne regrette rien" (1960).

Bope bahat biografinia na itulis. bahat kanyataan dot kajadian i ngoluni Édith naso torang. Ia sorang dohot gorar "Édith Giovanna Gassion" i Belleville, Paris, distrik na bahat itinggali imigran na kabolakangan igambarkon Daniel Pennac. Manurut carito tu carito, ia sorang i topi dalan Rue de Belleville 72 tai manurut sertifikat hasorangannia, ia sorang i Hôpital Tenon, rumah sakit arrondissement Belleville. Ia igorar Édith sasue dohot gorar juru rawat Britania Edith Cavell nai ukum mate. (Piaf —istilah masyarakat Paris tu "burung gareja"— marasal tingon gorar julukan na dapotnia 20 taon kabolakangan).

Gedung konser Paris Olympia na tarmashur ima inganan idia Piaf mandapot aginjangan amashurannia sidung ia mangalehen resitalnia i sadun tingon Januari 1955 sampe Oktober 1962. Cuplikan-cuplikan tingon lima resital on (1955, 1956, 1958, 1961, 1962) itorbitkon i piringan hitam dot CD dot salalu icetak ulang. I April 1963, Piaf mangarekam lagunia na parabisan "L'homme de Berlin".

Pautan ruar

Sumberna