Бидо́льо Людови́ко (испан. Ludovico Bidoglio; 1900 5 февраль, Буэнос-Айрес — 1970 25 декабрь) — аргентинин футболист, турсло, гӀараваьлла «Боку Хуниорсехь» а, Аргентинин гулйина командехь а ловзарца. Латинан Америкин хьалхарчу исторехь уггаре дикачех цхьа турсло, дукха хӀонсаш йаьхна.
Карьера йолийра «Спортиво Палермо» клубехь. Йуьхьанца левзира тӀелатархочун позицехь, амма цхьаьна матчехь командин турсло лазийча, Бидольос дӀалецира цуьнан меттиг, кхин цкъан а тӀелатархочуьн позицехь ца левзира. «Спортиво Палермо» йукъахь ши шо даьккхина иза дехьавелира «Эурека» клубе, цигахь левзира деа шарахь. 1922 шарахь Бидольо дехьавелира «Бока Хуниорс» клубе, йисина хан йерриг цунна йукъахь левзира, ма-дарра аьлча итт шарахь, оцу клубехь левзира 200 сов матчехь. Муттис Рамонца цхьаьна Людовикос чӀогӀа онда дуьхьалонан шед бора «Бокехь». Бидольон элегантан, исбаьхьаллин ловзаран хатӀ чӀогӀа къаьстара дукхаха болчу Къилба Америкин турслойн морса ницкъаллин амалех, оцу ловзаро къобалвайтира иза хьовсархошка а, прессега а.
«Бокин» йукъахь иза пхоьазза Аргентинин чемпион хилла. Аргентинин гулйина командин йукъахь Бидольо левзина 34 матчехь. Цуьнан зама йара аргентинин-уругвайн дуьхьалонан зама латинаамерикин футболехь. Иза левзина континентан пхеа чемпионатах, цуьнан командо йаьккхина шиъ, ткъа кхаа чемпионатехь тоьлла Уругвай, аргентинхой шолгӀа а буьтуш; Олимпиада-1928 иштта йаьккхира Уругвайс, финалехь аргентинхой иэшийна; билгала даккха деза, оцу массо а турнирашкахь Бидольо левзира шен командин йерриг матчашкахь. Аргентинхоша хьалхара кхо матч йоккхачу чоьтаца йаьккхина, ткъа финалехь йуха ловзуш Уругвайл иэшна олимпиада, тӀаьххьара дуьненайукъара турнир хилира Бидольон карьерехь.
Клубан тӀегӀанехь иза левзира кхин а кхаа шарахь. 1931 шо, аргентинин футболан историн хьалхара профессионалийн шо, чекхделира «Бокин» толамца, иза хилира Бидольон тӀаьххьара хӀонс. Шо чекхдаллалц ца ловза велира иза — «Эстудиантесан» дуьхьала матчехь иза Сосая Альбертца Ӏоттавелла, чӀогӀа лазийра, цуо цуьнан карьера сацийра.
Футболан карьера чекхйаьлча Бидольос электрик болх бира. Велла 1970 шарахь.
1999 шеран футболех ловзаран Америкин кедехь Венесуэлин гулйина командин йукъахь левзира Аргентинехь вина Бидольо Эктор(ингалс.)нохч., иза вара Бидольо Людовикон кӀента кӀентан кӀант.[1]
- «Бока Хуниорс»
- Аргентинин чемпион (5): 1923, 1924, 1926, 1930, 1931
- Аргентинин чемпионатехь 2-гӀа меттиг (3): 1927, 1928, 1929
- Аргентинин чемпионатехь 3-гӀа меттиг (1): 1922
- Аргентинин гулйина команда
Аргентина
Викиларми чохь медиафайлаш
.svg){kind=small}