کفتە

کفتە برنجی

کفتە خواردنێکی کوردەوارییە.

کەرەستەی ھەویرەکەی

نیو کیلۆ ئارد، کوپێکی بچووک کەرە‌ی تواوە، خوێ، نیو کەوچک خومرەی فەوری، کەوچکێک پیکن پاودەر، شیری گەرم بەپێی پێویست، کونجی و ڕەشکە بۆ ڕازاندنەوەی سەری.

کەرەستەی ناوەکەی:

نیو کیلۆ گۆشت، دوو کوپ سەوزەی ناو فرێزەر (وەکو بەزالیا و گوێزەر وقەرنابیت)، یەک پیازی ھەڕڕاو، بیبەرێک، سیر، دوو کەوچکی دۆشاوی تەماتە، بەھارات و خوێ، کەرەوز.

دروستکردن

کەرەستەکانی ھەویرکە (ئارد، خوێ، خومرە، پیکن پاودەر، شیر) تێکەڵ بەیەک دەکەین و جوان دەیشێلین تا ھەویرێکی نەرم و لاستیکی لێ دەردەچێت و پاشان چەوری دەکەین بە کەرە و پارچە پارچەی بچووک لەشێوەی گونکی لێ دروست دەکەین و جێی دێڵین لەشوێنێکی گەرم.

لەم کاتەدا کەرەستەی ناوەوەی ئامادە دەکەین، بەم شێوەیە:

1. پیازەکە دەکەینە ناو ڕۆنەوە تاکو سوور دەبێتەوە، پاشان سیرەکە و لەدواییدا بیبەرەکە.
2. گۆشتەکەی تێ دەکەین باش تێکی دەدەین.
3. سەوزەواتەکەو بەھارات و خوێ و دۆشاوی تەماتە و کەرەوزەکەو ھەندێ ئاوی تێ دەکەین. بەجێی دەھێڵین تاکو ھەموو ئاوەکەی نامێنێ.
4. گونکەکان بە لاکێشەیی پان دەکەینەوەو لە کەرەستەکەی دەکرێتە سەر و لولی دەدەین و بەدەوری خۆیدا سووڕی دەدەین.
5. ھەموویان دەخرێتە سەر سینی و چەور دەکرێن بە کەرە و دەخرێنە ناو فڕنی و دەبرژێندرێن.

پاشان دەردەھێندرێن و بەگەرمی یان ساردی پێشکەش دەکرێن لەگەڵ خواردنی تردا یان بەتەنھا.