Коктёбель
Коктёбель (украиндже Коктебель, русча Коктебель) — шаркъий Къырымнынъ Кефеден дженюп-гъарпкъа таба 20 км къадар узакълыкъта Кефе-Алушта автоёлунда булунгъан бир къасаба. Къара денъиз ялы боюнда Коктёбель корьфези ялысында Къара Дагъ янындаки шеэр.
шеэр шеклинде къасаба[1]/къасаба[2]
Коктёбель
ukr. Коктебель rus. Коктебель
|
Эали
денъиштирЭалининъ сайысы — 2841 киши (2001): рус — 50 %, украин — 36 %, булардан да гъайры къырымтатарлар, юнанлар, булгъарлар, алманлар ве башкъа миллетлер яшайлар.
Накълият
денъиштирАвтостанция Акъмесджит, Судакъ, Керич ве Кефе шеэрлери арасында кочюрювлер эда эте. Маршрут таксилер токътамадан къатнап тура.
Тарих
денъиштирКоктёбель къурулгъан догъру тарихы бельгисиз. Къасаба янындаки Тепсен платосында Эрте Орта асырлардан берли белли олгъан къадимий мескюн ер эди. XIX асырнынъ сонъунда Коктёбель эалиси къырымтатарлар ве Къырымгъа иджрет эткен булгъарлардан ибарет эди. Шимдики Коктёбель къасабасы Коктёбель кою, булгъар Баракъ Голь, юнан Армутлукъ, рус Кордон хуторлары ве корьфез ялысындаки язлыкъ эвлер къасабасы бирлешкени нетиджесинде къурулды.
XIX асырнынъ сонъундан берли Коктёбель язлыкъ раатланув популяр ерине чевирильди. Язлыкъ эвли Коктёбель темель къоюджы — Эдуард Андреевич Юнге эди. Коктёбельде башкъа-башкъа заманларда Максимилиан Волошин, Алексей Толстой, Викентий Вересаев ве башкъа медениет эрбаплары отура эдилер. 1930 сенелери бу куньге къадар сакъланып къалгъан Коктёбель адлы языджылар яратыджылыгъы эви къурулгъан эди.
Шимдики Коктёбель
денъиштирШимдики Коктёбель — денъиз янындаки популяр курорт.
Волошин яшагъан эвинде шимди шаир музейи чалыша.
Коктёбель янында Къара Дагъ къоругъы булуна.
Галерея
денъиштирБагълантылар
денъиштир- "Бизим Коктёбель" адлы Коктёбель интернет ресурсы
- Коктёбель фотолары ве янъылыкълары
- Welcome to Coctebel 9 апрельнинъ 2007 с. архивленген.
- Коктёбель харитасы 5 февральнинъ 2011 с. архивленген.
Атыфлар
денъиштир- ↑ 1,0 1,1 Русие къанунларына коре.
- ↑ 2,0 2,1 Украина къанунларына коре.
- ↑ Бу мескюн ер Русие ве Украина арасында чатышувгъа себеп олгъан Къырым ярымадасында булуна. Къырымны де-факто идаре эткен Русиенинъ къанунларына коре ярымадада булунгъан Къырым Джумхуриети ве Акъьяр федерал эмиетли шеэри - Русие теркибиндеки эки федерация субъектидир. Украина къанунларына коре ярымадада Украина теркибиндеки Къырым Мухтар Джумхуриети ве Акъьяр махсус статуслы шеэри булуна.
- ↑ Всесоюзная перепись населения 1970 г. Численность городского населения союзных республик (кроме РСФСР), их территориалных единиц, городских поселений и городских районов по полу (рус.)