Эдебият
Эдебият (арапча أدبيّات – adabīyāt - "эдепнен багълы" демек) — бир халкъ, девир, инсанлыкънынъ язылы ве басылгъан эсерлери такъымыдыр. Эдебият, бир халкънынъ ве белли бир тарихий девирнинъ бильги ве медениетини ифаде эте ве сакълап къалдыра. Айны заманда о, санат чешитидир ки, яни акъикъатны бедиий темсиллерде косьтерген, гузеллик къанунларына эсасланып янъы бедиий керчекни яраткъан ве арифлер ярдымынен метинлерде тайин этильген муэллифининъ яратыджы эснасынынъ нетиджеси олгъан сёз санатыдыр.
