Sanskrit

Sanskrit (devanagari: संस्कृता वाक्, saṃskṛtā vāk, “ustalıqnen yaratılğan bir til”, sanskritçe  saṃskṛtam, [ˈsɐ̃skr̩tɐm]) - İnd-Avropa til ailesine ait olğan, İndistanda qullanılğan qadimiy edebiy til. Sanskritçe ilk edebiy metinler 3,5 biñ yıl evel yazılğan. Sanskrit, qadimiy İndistanda şekillenip, alimler, din adamları ve medeniyet tili olıp qaldı ve alâ bugün diniy edebiy til olaraq qullanıla. Sanskrit, milâttan evel endi I biñyıllıqnıñ ortasında laqırdı tili olmağan edi, amma sanskritni qullanıp laf etmege adeti o zamandan berli bugünge qadar iç bir vaqıt toqtatılmay edi. Sanskritniñ sarfı sintetik ve mürekkeptir. Sanskritniñ bir qaç şekli bar, bu cümleden klassik sanskrit, klassikten evelki sanskrit, epik sanskrit, Veda sanskriti (“Rigveda” din kitabınıñ tili).