Вышкайсăр капаш

Норвег чĕлхинче «ахаль» (позитивлă, сулахайра) тата вфышкайсăр (сылтăмри) капашсене кăтартни

Вышкайсăр капашсем — паллă ячĕн е ĕçхĕлтешĕн, вĕсем япалан е ĕçхĕлĕн чи çÿлти пахалавлăхĕн шайне кăтартакан капашĕ.

Вышкайсăр капашăн аффиксĕ — -ях/-йех (уçă сасă хыççăн) е -ах/-ех (хупă сасă хыççăн); ăна вăйлату аффиксĕ те теççĕ.

Сăмахран, чăваш чĕлхинчи шурă паллă ячĕ позитивлă капашра çаплах, танлаштаруллă капашра шурăрах, вышкайсăр капашра — шурăях.

«Шурă» тата ытти паллă ячĕсен вышкайсăр капашри тĕслĕхĕсем:

 
Аслати авăтать, çиçĕм çиçет,
Вутпа çунса каять сар чечек.
Аслăях та вăрман хĕрринче
Йĕкĕтех те выртать юн кÿллинче
Сарăях та ача кăкри витĕр
Çичĕ пуля тухнă шăтарса.
Унăнах та ури, ай, вĕçĕнче
Кăваках та лаши тăрать кĕçенсе
Кăваках та лаша кĕçенни
Тăванах та ялне илтĕнет.
Тăванах та ялне илтĕнет –
Амăш, ай, чĕрине çурса кĕрет.

Амăшĕ те йĕрет, йĕрет, йĕрет,
Ывăлăм та пĕтрĕ, ай, пулĕ, тет.
Шурăях та шурă акăш пулса
Вĕçсе каять амăш вутлă вăрçа.
.........................

Вышкайсăр капаша кăтартмалли меслетсем чăваш чĕлхинче татах та пур.