Ban-de-Laveline

Ban-de-Laveline
Math	cymuned
Poblogaeth	1,183
Daearyddiaeth
Ardal warchodol	Ballons des Vosges Regional Natural Park
Arwynebedd	26.45 km²
Uwch y môr	403 metr, 1,031 metr
Yn ffinio gyda	Bertrimoutier, Raves, Sainte-Marie-aux-Mines, Coinches, La Croix-aux-Mines, Gemaingoutte
Cyfesurynnau	48.2442°N 7.065°E
Cod post	88520
Swydd pennaeth; y Llywodraeth	Maer Ban-de-Laveline
	Ffeiliau perthnasol ar Comin
	[golygwch ar Wicidata]

Mae Ban-de-Laveline yn gymuned yn Département Vosges yn Rhanbarth Dwyrain Mawr, Ffrainc

Lleoliad

Mae cymuned Ban-de-Laveline yn rhychwantu sawl dyffryn bach rhwng mynyddoedd Croix-aux-Mines yn y de, Wisembach i'r dwyrain, Bertrimoutier i’r gogledd a Coinches i'r gorllewin. Mae'r gymuned yn cael ei groesi gan nifer o afonydd, y prif un yw Afon Morte, un o lednentydd Afon Fave, sy'n tarddu yn nhref Croix-aux-Mines.

Mae'n un o'r 188 gymuned sy’n sefyll ym Mharc Naturiol Rhanbarthol Ballons des Vosges.

Mae'r gymuned yn sefyll ar briffordd y D23 sy’n mynd o Raves yn y gogledd i Croix-aux-Mines yn y de. Mae dwy ffordd leol yn cysylltu’r gymuned a Coniches i’r gorllewin a Gemaingoutte yn y gogledd-ddwyrain. Mae Ban-de-Laveline yn ffinio â chwe chymuned yn Vosges: Gemaingoutte, Wisembach, Bertrimoutier, Rave, Coinches, La Croix-aux-Mines ac un gymuned yn Alsace sef Sainte Marie aux Mines, Haut-Rhin.

Poblogaeth

Safleoedd a Henebion

Eglwys ymgnawdoliad y Forwyn Fair a adeiladwyd ym 1716 ar safle tŷ gweddi yn dyddio o’r 11 neu'r 12 ganrif. Ym 1725 bu i fellten dinistrio'r rhan fwyaf o’r tŵr.^[1]
Capel St. Clair, Hautgoutte a adeiladwyd ym 1770 gan ddinesydd o Hautgoutte, Nicolas Noël, fel diolch am adennill ei olwg. Saif ffynnon St Clair ger y capel lle fydd pererinion yn golchi eu llygaid gwan yn yr obaith y byddant hwy hefyd yn derbyn iachâd.
Groto Notre-Dame-de-Lourdes
Olion hen gastell

Eglwys ymgnawdoliad y Forwyn Fair
Chapelle Sainte-Claire à Hautgoutte
Grotte Notre-Dame-de-Lourdes

Pobl enwog o Ban-de-Laveline

Adrien Evrard (1873-1957), Offeiriad.^[2] Gustave Morel (1872-1905), offeiriad ac athronydd^[3]. Pierre Bastien (1924-2006), meddyg, dyfeisiwr o "protocol Bastien" wrth drin cleifion sydd wedi eu gwenwyno gan Amanita.