Cynhadledd Bandung
| Enghraifft o'r canlynol | cynhadledd  |
|---|---|
| Dechreuwyd | 18 Ebrill 1955 |
| Daeth i ben | 24 Ebrill 1955 |
| Rhagflaenwyd gan | Asian Relations Conference |
| Olynwyd gan | Brioni Meeting |
| Lleoliad | Bandung |
 | |
| Gwladwriaeth | Indonesia |
 Ffeiliau perthnasol ar Gomin Wicimedia | |
Cyfarfod o ddiplomyddion o nifer o wledydd Asia ac Affrica oedd Cynhadledd Bandung a gynhaliwyd yn ninas Bandung ar ynys Gorllewin Jawa, Indonesia, o 18 Ebrill i 24 Ebrill 1955. Trefnwyd y gynhadledd gan lywodraethau Indonesia, Byrma, Seilón, India, a Phacistan, a chynrychiolwyd y rhan fwyaf o boblogaeth y byd gan ddirprwyon o 29 o wladwriaethau a thiriogaethau.[1]
Ailddatganwyd gan Gynhadledd Bandung y pum egwyddor a gynhwysir yng Nghytundeb India a Tsieina ynghylch Tibet (1954): cyd-barch at gyfanrwydd tiriogaethol a sofraniaeth; anymosodedd; anymyrraeth; cydraddoldeb a chyd-fuddiannau; a chydfodolaeth heddychlon. Yn y blynyddoedd i ddod, datblygodd cydweithrediad rhyngwladol ymhellach yn annibynnol ar feysydd dylanwad Unol Daleithiau America a'r Undeb Sofietaidd, y ddau uwchbwer a fu ar naill ochr y Rhyfel Oer. Wrth i broses datrefedigaethu fynd ati, dygwyd mwy o wladwriaethau annibynnol yn rhan o'r hyn a elwir y Trydydd Byd, mewn cyferbyniad â'r Gorllewin a'r bloc Comiwnyddol, ac yng Nghynhadledd Beograd yn 1961 sefydlwyd y Mudiad Amhleidiol.
Rhestr y gwledydd a gynrychiolwyd
[golygu | golygu cod]
- Teyrnas Affganistan
- Undeb Byrma
- Teyrnas Cambodia
- Dominiwn Seilón
- Gweriniaeth Pobl Tsieina
- Cyprus
- Gweriniaeth yr Aifft
- Ymerodraeth Ethiopia
- Y Traeth Aur
- India
- Indonesia
- Iran
- Teyrnas Irac
- Japan
- Gwlad Iorddonen
- Teyrnas Laos
- Libanus
- Liberia
- Teyrnas Libia
- Teyrnas Nepal
- Dominiwn Pacistan
- Y Philipinau
- Sawdi Arabia
- Gweriniaeth Syria
- Swdan
- Gwlad Thai
- Twrci
- De Fietnam
- Gogledd Fietnam
- Gogledd Iemen
Cyfeiriadau
[golygu | golygu cod]- ↑ (Saesneg) Bandung Conference. Encyclopædia Britannica. Adalwyd ar 22 Chwefror 2020.