Chóśebuz

**Chóśebuz**
nimski	Cottbus
	Chóśebuz (Bramborska)
	Chóśebuz (Bramborska)
Wopon
	Wopon Chóśebuza
	Wopon Chóśebuza
Zakładne daty
stat	Nimska
zwězkowy kraj	Bramborska
wokrejs	bźezwokrejsne
wusokosć	70 metrow n.m.gł.
płonina	165,15 km²
wobydlaŕstwo	101.036 (31. dec 2017)
gustosć zasedlenja	612 wob. na km²
postowe licby	03040–03050
pśedwólenje	(+49) 0355
awtowe wobznamjenje	CB
Politika a zastojnstwo
wušy šołta	Tobias Schick (SPD)
adresa	Nowe wiki 5; 03046 Chóśebuz
webstrona	cottbus.de
	Dwojorěcna měsćańska tofla w Chóśebuzu
	wikidata: Chóśebuz (Q3214)

51.76666666666714.333333333333

Koordinaty: 51° 46′ N, 14° 20′ O

Chóśebuz (nimski Cottbus, česki Chotěbuz, pólski Chociebuż,^[2] górnoserbski Choćebuz) jo nejwětše město Dolneje Łužyce a wažne město za wědomnosć, kulturu a słužby w zwězkowem kraju Bramborskej. To móžośo zgóniś nic jano pśi cytanju studijnych pórucenjow, pśi wuchójźowanju pó modelowem měsćańskem źělu abo pśi błyšćatych premjerach statnego źiwadła. Teke nowo wugótowane internetowe boki Łužyskego wušego centruma gótuju zaśišć žywego duchno-kulturnego žywjenja, wobšyrnych turistiskich pórucenjow a słužbow zjawnego zastojnstwa. Wirtuelny měsćański běrow ma až do źinsajšnego dnja južo wěcej ako 150 słužbow a wušej 60 dokumentow za was pśigótowanych. Internet móžo derje póraźowaś a pomogaś, weto njamóžo wón Chóśebuzaŕkam a Chóśebuzarjam kuždy woglěd do zastojnstwa zežariś.

Geografija

Chóśebuz lažy něźi 125 km na krotke zajtšo wót Barlinja pśi Sprjewi. Serby su wobsednuli wokolinu wokoło źinsajšnego Chóśebuza w źasetem stolěśu, ako su natwarili grod na pěskatej kupje w Sprjewi. Nimce bydle pódla Serbow w Chóśebuzu wót tśinastego stolěśa. Chóśebuz jo był prědny raz dokumentariski naspomnjony 30. nowembra 1156.

Chóśebuz jo kulturny centrum Dolnoserbow, sedło Dolnoserbskego gymnaziuma a Serbskego muzeja. Wšykne nadrozne tofle a oficielne napise měsćańskich institucijow su mimo někotarych wuwześow dwójorěcne: w nimšćinje a dolnoserbšćinje.