Han Hyo-joo
Han Hyo-joo | |
|---|---|
.jpg) Han ontok Milau 2021 | |
| Kinosusuon | Mansak 22, 1987 Yullryang-dong, Cheongju, North Chungcheong Province, South Korea |
| Pondidikan | Dongguk University - Theater and Film[1] |
| Kalaja |
|
| Toun mimparagat | 2003–dinondo |
| Agen |
|
| Kinawas | 172 cm (5 ft 8 in) |
| Korean name | |
| Hangul | |
| Hanja | |
| Revised Romanization | Han Hyo-ju |
| McCune–Reischauer | Han Hyoju |
Han Hyo-joo (nosusu ontok 22 Mansak 1987) nopo nga songulun aktor tondu id Korea Selatan. Isido nopo nga nointutunan maya do kono dau id drama Brilliant Legacy (2009), Dong Yi (2010) om W - Two Worlds (2016).
Koposion Pogulu
[simbanai | simbanai toud]Nosusu i Han Hyo-joo lahir id Cheongju, Chungcheong Utara. Tama nopo disido nga songulun mongingia' siikul tosiriba pogulu nosiliu mogigintong montok sikul awam. Tapa nopo disido nga songulun pegawai tentera udara. Sabaagi songulun tanak, abantug isido id suang sipoot lolobi id sipoot olahraga. Ontok di toun kumoduo id sikul akawas, minundaliu isido id Seoul om nokotindapou Sikul Takawas Bulgok sundung au papasaga tapa dau. Sumusuhut, suminikul isido id Universiti Dongguk miampai minaganu jurusan teater om perfileman.
Karaja
[simbanai | simbanai toud]2003–2006
[simbanai | simbanai toud]Nointutunan i Han di kumoinsan nogi soira minampayat pialaan ratu cantik komulakan i pinaanjul do Binggrae ontok toun 2003. Minongimpuun isido karier pinsingkanaan id suang sitkom Nonstop 5 om filem komedi, My Boss, My Teacher. Nopili i Han do mingkono id suang Spring Waltz, drama kaapat om i kolimpupuson id suang siri "Endless Love" ponuhuan pengarah, Yoon Seok-ho.[2] Ontok toun 2006, pinili di pengarah Lee Yoon-ki i Han montok mingkono id suang filem i kiwaa bajet osiriba, Ad-lib Night. Nakalantoi isido do Gaa Mimingkono Tondu Wagu Bobos Abantug id Anugerah Persatuan Pengkritik Filem Korea om Festival Filem Antarabangsa Singapura montok kosolimbahan kono dau.
2007–2010
[simbanai | simbanai toud]Tumilombus, mingkono i Han id suang drama KBS1, Like Land and Sky miampai Park Hae-jin ontok toun 2007 om drama SBS, Iljimae miampai Lee Joon-gi ontok toun 2008. Koduo-duo drama dii nokodimpot rating pongintangan di awasi kopio. Kalapas dii, mingkono kawagu isido id iso filem indie, Ride Away i pinosolimbou id Festival Filem Antarabangsa Jeonju 2008. Mingkono i Han id suang filem i pinalabus do Korea-Jepun, Heaven's Postman ontok toun 2008. Kalapas piipiro timpu au nabayaan, pinosolimbou o filem diti id teater ontok toun 2009 om pinosolimbou id TV ontok toun 2010.
Drama nopo kawagu di minopoingkawas do ngaran di Han nga Brilliant Legacy miampai di Lee Seung-gi. Ointutunan o drama diti ontok 2009 miampai nakagampot rating pongintangan soginumu 47.1%. Nakaanu o drama diti popoingkawas populariti Han om soira nopupusan o drama diti, nokotorimo isido mogikaakawo kontrak pengiklanan om nokoingkawas o populariti id Asia.[3] Kopihondot nogi toun dii, mingkono i Han id suang drama muzikal, Soul Special. Pinosolimbou o drama diti miampai hopod om duo segmen id mogisuusuai portal sawat talian maya saluran KBS Joy mi poposolimbou koinsanan drama id suang apat boogian.
Ontok toun 2010, minsingkono i Han sabaagi kono oponsol id suang projek kinouliton toun ko-49 MBC, Dong Yi.[4] nakaanu i Han do piipiro gaa montok kono dau sabaagi Choi Suk-bin kaampai no Gaa Daesang (Anugerah Utama) id Gaa Drama MBC om Anugerah Pelakon Wanita Terbaik id Anugerah Seni Baeksang i nakaanu popogirot status disido sabaagi rombituon Hallyu.
Sukuon
[simbanai | simbanai toud]- ↑ Ralat maganu:Tag
<ref>tidak sah; tiada teks disediakan bagi rujukan yang bernamanate - ↑ "Han reserves seat as next Jiwoohime". The Korea Herald via Hancinema. 30 Januari 2006.
- ↑ "Lee, Han Picked as Rising Ad Models". The Korea Times. 24 September 2009.
- ↑ "Han Hyo-joo Changes Tack in Costume Drama". The Chosun Ilbo. 13 April 2010.