Alesitimìa
|
C'l artìcol chè 'l è scrit in
Carpśàn |
(Lēś anca eli avertèinsi generèli a 'l riguêrd di cuntgnû di artìcol dla Wikipedia)
L'alesitimìa (alessitimia in itagliàṅ, da 'l grēc a-, "sèinsa", λέξις, lexis, "lèsic" e θυμός, timos, "emosiòun") l'è na caraterìstica ed na quelc personalitê 'd an savér briśa arcgnùser e dòunca gnanc ciacarèr a 'l riguèrd dagli emosiòun e di sentimèint ch'a s próva in dla vìta.
Secònd i studiōś, l'alesitimìa la srèv na mancànsa ed śvilùp ed na quèlch facia dla personalitê ch'i s caten soquànt agìnt ch'i gh'àn abû n'educasiòun dimòndi trascurèda in dla só infànsia. I gh'àn studiê in sìma i John Nemiah e Peter Sifneos ai inìsi di an Estànta e invintê cla paròla chè intànt ch'i gh'avìven da descrìver dal caraterìstichi ed personalitê ed soquànt pasìint psicosomàtic.
I alesitìmic i n'savrèven briśa:
- sintìr e catèr el só pròpi emosiòun e sentimèint;
- catèr e descrìver i sentimèint ed chièter;
- pinsèr ai só pròpi avansamèint dagli emosiòun e di sentimèint, mo invéci i starèven sàimp'r a guardèr chièter.
Chi agìnta chè i gh'avrèven na manéra ed comportères ch'la sta tra la dipendèinsa da chièter e 'l só evitamèint. I alesitìmic i farèven anc pòc insòni e pòc articolê, ch'i gh'avrèven poca fantaśìa. L'alesitimìa la pōl èser una dal caraterìstichi edl autìśem.
Vōś lighèdi
Noti e referèinsi
Èter progêt
Wikizionario contiene la voce di dizionario «Alesitimìa»
