Iris - Un amore vero
|
C'l artìcol chè 'l è scrit in
Carpśàn |
 Iris
| ||
| Iris - Un amore vero | ||
 La Kate Winslet in na figùra dal film | ||
| Iris - Un amōr vēr 2001 | ||
|---|---|---|
| Regìa: Richard Eyre | ||
| Scritōr: John Bayley | ||
| Atōr: Judi Dench • Kate Winslet • Samuel West Jim Broadbent • Hugh Bonneville • Juliet Aubrey Penelope Wilton • Kris Marshall • Timothy West | ||
| Müsica: James Horner | ||
| Léngua: Ingléś | ||
| Dürä dal film: 99 minüt | ||
| Nasiōṅ: Régn Unî | ||
Iris - Un amore vero (Iris - Un amōr vēr) 'l è 'n film biogràfic dramàtic e sentimentèl dal 2001 ed Richard Eyre, ispirê a 'l biografìi ed John Bayley in sìm'a só mujēr Iris Murdoch "Iris: A Memoir" e "Elegy for Iris". Al film al ciapèva soquànt arcgnusimèint p'r el brevitù in dal recitèr di só atōr, c'ma 'l Prèmi Òscar per Jim Broadbent.
Sunt
Al film al còunta la fadìga edla còpia di du spōś ansiàṅ quand ala mujēr Iris (Judi Dench) a gh'vin piàṅ piàṅ 'l Alzheimer e a 'l marì John (Jim Broadbent) a gh'tòca présti ed jutèrla in tùt.
Da scritóra ed còunt dimòndi alśùda, ch'la scrivìva anc di pinsér filośòfic e morèl, a 'n sert punt i du spōś a gh'tòca adères che lē la nn'arcgnùs più soquànti paròli ch'i gh'servìsen in dl ùltem lìber lè lè drē a scrìver. I arcòrd i cùrn indrē in dal tèimp, da quand lò (Hugh Bonneville), studèint timid, 'l iva incuntrê per la prìma volta l′Iris da śóvna (Kate Winslet), cun la só brilantèsa e vója ed viver, sàinsa trópi inibisiòun. A chi tèimp là l'era sàinsa dùbi lē, ch'la descantèva John dala só interèsa da mêś ai amìg, e che però la gh'gìva anc che lò 'l era tùt al só mònd.
A tucarà capìr perchè adês a l′Iris i gh'sparìs'n el paróli, perchè la n'gh'la chèva più 'd arcurdères soquànt nòm anc facil, lē ch'l'ìva sèimper publichê di lìber e parlê a dal conferèinsi.
Vivr adès in cà in cla cundisiòun lè a vōl dìr anc che col tèimp, l′Iris la n'sà più fèr da magnèr, la n'fà più i fat ed cà e la se śmèindga in còsa. John dal rest, a l'antìga cum 'l ē, al n'è brìśa tante bòun ed tgnìr adrē ala cà.
Un dè che l′Iris l'era a séder a guardèr i Teletubbies ala televiśiòun, a lē a gh'vin 'l istìnt ed scapèr fóra da 'l ùs e a John a gh'vin na bèla pavùra che lē l'è drē a mètres in perìcol in dal trafic edla sitê. John al gh'cùr adrē in màchina mo a n'gh'è vers ed catèrla in nisùn cantòun. Più terdi al gh'la porta a cà un só vêć amìg ed gioventù ch'al l'ìva catèda persa ind un negòsi.
Pòc più in là a mōr anc la mijóra amìga edl′Iris, la Janet (Penelope Wilton), e ai du spōś a gh'tòca 'd andèr a 'l só funerèl. Lè l′Iris la s mèt a sighèr e a fèr dla féra rabìda, perchè lē la gh'evlìva dimòndi bèin, ala Janet, e 'd lung ala strèda per turnèr a cà, incòr rabìda, lē la sćiancarèv vìa al volànt da 'l maṅ ed John. Per furtùna, i dū ṿcìn i n'se stablìsen minga atàc a un mur, mo i finìsen 'l istès arbaltê fóra da l'avtomòbil per tèra ind un buschèt lè 'd fiànc: per un mumèint a parrèv anc bèl, armàgner lè per tèra a cûl a sù a śminghèrs tut al rest, mo ala nòt, a John a gh'partìs l'arlìa vers só mujér, e alóra dèintr in dal lêt al gh'sìga adòs edla rója, incòr gelōś ed tùt i amànt che lē la gh'ìva avû da śóvna.
I dutōr e i asistèint socêl i n'gh'dàn minga tanti iluśiòun a John, e a cunvgnarèv ansi che l′Iris l'andìs in strutùra, che acsè anc John al s arsorarèv e lē la catarèv un pò più 'd órdin dintórna.
Colegamèint estèren
- (EN) La schéda dal film in sìm'a 'l IMDb
- (IT) La schéda dal film in sìm'a FilmTV
- (IT) La schéda dal film in dal sit dla Conferèinsa Episcopèla.