PlayStation 5
La PlayStation 5 (oficiale mallongigita kiel PS5) estas naŭageneracia hejma videoludilo disvolvita de Sony Interactive Entertainment. Ĝi estis surmerkatigita la 12-an de novembro 2020 en Usono, Kanado, Aŭstralio kaj Japanio, kaj poste la 19-an de novembro en Eŭropo kaj tra la tuta mondo. Ĝi sekvas la PlayStation 4.
| PlayStation 5 | |
|---|---|
 | |
| Disvolvo | Sony Interactive Entertainment |
| Serio | PlayStation |
| Regilo | DualSense |
Je la 9-a de decembro 2023, Sony raportis la vendon de pli ol 50 milionoj da PS5.
Historio
redaktiLa konceptado kaj evoluigo de la PlayStation 5 komenciĝis jam en 2015. Ĝi estis oficiale menciita dum intervjuo de Mark Cerny, unu el la kreintoj de la PlayStation 4, por la retejo Wired en Kalifornio la 16-an de aprilo 2019. Tiiam li malkaŝis la estontajn funkciojn de la videoludilo.
Kelkajn tagojn poste, Sony konfirmis al ĵurnalistoj kaj akciuloj, ke la videoludiloj ne estus lanĉita dum la sekva jaro, kio ekskludis ajnan eblecon de lanĉo komence de 2020.
Aparato
redaktiLa baza modelo inkluzivas optikan diskolegilon, kiu kapablas legi diskojn de la formato Ultra HD Blu-ray. La cifereca eldono ne enhavas tiun legilon, kaj estas malpli kosta modelo, kiu permesas aĉeti videoludojn nur per elŝutado. La du variantoj de la videoludilo aperis samtempe. Pli maldikaj revizioj de ambaŭ modeloj anstataŭigis la originalajn en novembro 2023.
Inter la ĉefaj karakterizoj de la PlayStation 5 estas solidstata disko adaptita por rapidega datuma fluado kaj por ebligi signifan plibonigon de enhavkapableco. La videoludilo cetere entenas grafikan procesoron AMD, kiu kapablas afiŝi ekranrezolucion 4K aŭ ĝis 120 bildoj ĉiusekunde.