Šternberk

	Šternberk
	germane Sternberg
	urbo
	Centro de la urbo
Flago	Blazono
	Oficiala nomo: Šternberk
Ŝtato	Ĉeĥio
Regiono	Regiono Olomouc
Distrikto	Distrikto Olomouc
Administra municipo	Šternberk
Historia regiono	Moravio
Montaro	Nízký Jeseník
Memorindaĵo	Šternberk burgo
Situo	Šternberk
- alteco	268 m s. m.
- koordinatoj	49° 43′ 38″ N 17° 17′ 43″ O / 49.72722 °N, 17.29528 °O (mapo)
Areo	48,79 km² (4 879 ha)
Loĝantaro	13 264 (2024)
Denseco	271,86 loĝ./km²
Unua skribmencio	1296
Horzono	MET (UTC+1)
- somera tempo	MET (UTC+2)
Poŝtkodo	785 01
NUTS 3	CZ071
NUTS 4	CZ0712
NUTS 5	CZ0712 505188
Katastraj teritorioj	6
Partoj de urbo	5
Bazaj setlejunuoj	22
	Situo enkadre de Ĉeĥio Situo enkadre de Ĉeĥio
	Vikimedia Komunejo: Šternberk
	Retpaĝo: www.sternberk.eu
	Portalo pri Ĉeĥio

Estas ankaŭ Český Šternberk.

Koordinatoj: 49° 43′ 38″ N 17° 17′ 43″ O / 49.72722 °N, 17.29528 °O (mapo)

Šternberk estas urbo en Ĉeĥio kun 13 264 loĝantoj (2024), situanta en norda Moravio, 16 km de urbo Olomouc.

La najbaraj municipoj de la setlejo estas Lužice, Bělkovice-Lašťany, Paseka, Mutkov, Štarnov, Hraničné Petrovice, Řídeč, Domašov u Šternberka, Hlásnice, Horní Loděnice, Huzová, Mladějovice, Babice, Lipina, Bohuňovice kaj Dětřichov nad Bystřicí.

Historio

La unua mencio pri burgo, fondita de Zdislav el Šternberk, estas el la jaro 1269. Origine tie staris gotika burgo kun cilindroforma turo, ĉirkaŭ kiu evoluis ekde la jaro 1296 urbo, en la jaro 1364 remparita kaj alirebla tra tri pordegoj. En la jaro 1371 estis fondita de Albert la 2-a el Šternberk, la konsilanto de Karolo la 4-a, la unua en Moravio aŭgustina monaĥejo. En la sama periodo estis konstruita reprezenta gotika burga kapelo kun statuo de Šternberka madono. La burgo estis sidejo de moravia branĉo de Šternberkidoj ĝis la jaro 1409, poste ĝis la jaro 1466 proprumis ĝin eĉ kun la urbo senjoroj el Kravaře. En la jaro 1576 estas indikata poŝtoficejo en vojo el Vieno ĝis hodiaŭa Vroclavo. Aktivaj estis en la urbo ĉeĥaj fratoj. En la 16-a jarcento la burgo estis renesance alikonstruita. La urbo kaj la burgo estis forte difektitaj dum la tridekjara milito. La nuntempa aspekto de la kastelo estas rezulto de reguligoj el la fino de la 19-a jarcento. Komence de la 20-a jarcento estis konstruita malgranda naturparko. En la kastelo estas valora kolektaro de moravia kaj mezeŭropa gotika arto kaj muzeo de horloĝoj.

En la urbo ni trovos vicon da arkitekte valoraj burĝaj domoj el la 18-a jarcento kaj la unua duono de la 19-a jarcento. En tiuj ĉi jarcentoj kreiĝis bazo de evoluo de la urbo teksindustrio kaj nutraĵindustrio. La urbo kun tre alloga ĉirkaŭaĵo estas elirloko de turismo al la sudokcidenta parto de montaro Nízký Jeseník. Ĝi estas ankaŭ fama pro motorciklaj konkursoj nomataj Ecce Homo.

La nomo de la urbo devenas el la germana lingvo kaj signifas "stela monto".