Alcollarín

Alcollarín
municipo en Hispanio ; vilaĝo vd
Flago	Blazono
Administrado
Ŝtato	Hispanio
Regiono	Ekstremaduro
Provinco	provinco Kacereso
Komarko	Tierra de Trujillo
Poŝtkodo	10135
Politiko
Urbestro	Julián Calzas Escribano
Demografio
Loĝantaro	255 (2023) [+]
Loĝdenso	3 loĝ./km²
Geografio
Geografia situo	39° 15′ N, 5° 44′ U (mapo)39.244460244-5.73807411936Koordinatoj: 39° 15′ N, 5° 44′ U (mapo) [+]
Alto	380 m [+]
Areo	79 km² (7 900 ha) [+]
Horzono	UTC+01:00 [+]
	Alcollarín (Ekstremaduro)
	situo en Ekstremaduro
	Alcollarín (Hispanio)
	situo en Hispanio kaj en tuta Iberio
Alia projekto
	Vikimedia Komunejo Alcollarín [+]
	v • d • r

Alcollarín [alkojaRIN] estas municipo kaj loĝloko de Hispanio. Ĝi apartenas al la aŭtonoma komunumo aŭ regiono Ekstremaduro, al ties pli norda provinco Kacereso (Cáceres) kaj al la komarko Tierra de Trujillo. Laŭ la stato de 2023 en la municipo vivis 255 loĝantoj sur areo de 79 kvadrataj kilometroj, kio rezultigas loĝdenson de 3 loĝantoj/km². La loĝantoj nomiĝas alcollarinejos.

Situo

Alcollarín estas situa en la centra parto de Ekstremaduro en la nordo de la komarko aŭ distrikto Vegas Altas, je altitudo de 380 m; je 82 km de Cáceres, provinca ĉefurbo. La surfaco de ties teritorio estas de 79,92 km². La plej proksimaj vilaĝoj estas Zorita, je 5 km en direkto al Guadalupe, Campo Lugar kaj Abertura en direkto al Miajadas, kio estas je 18 km.

Ekonomio

Enspezofontoj estas precipe agrikulturo de irigacio kaj brutobredado.

Limoj de la municipa teritorio

Zorita norde kaj oriente.
Madrigalejo sudoriente.
Campo Lugar sudokcidente.
Abertura okcidente.

Demografio

Demografia evoluo de Alcollarín inter 1950 kaj 2021
1950	1960	1970	1981	1991	2001	2011	2021
1040	1141	769	478	385	329	260	274^[1]

Konstateblas, ke dum la dua duono de la 20-a jarcento la loĝantaro trioniĝis pro elmigrado kaj maljuniĝo de la populacio.

Hidrografio

La ĉefa rivero de la municipo estas la rivero Alcollarín, alfluanto de la rivero Ruecas. Trapasas la municipan teritorion ankaŭ la rojoj Gargantilla kaj Levosilla, alfluantoj de la Alcollarín.

Etimologio

Spite aliaj popularaj falsaj etimologioj ŝajne la nomo de la vilaĝo devenas el arabaj artikolo (al) kaj finaĵo (im) kun mozaraba radiko "collado" [koJAdo] kiu signifus monteto.

Festoj

Sankta Katarina de Aleksandrio (25a de novembro)
Festoj de la Elmigrintoj (unua semajno de aŭgusto)

Monumentoj kaj vidindaĵoj

Palaco de la familio Pizarro/Carvajal, el la 16a jarcento (la blazonojn kiuj estis flanke de la fasado de la palaco oni ŝtelis en decembro de 2001 kaj oni ne reakiris ilin ankoraŭ).
Preĝejo de Sankta Katarina de Aleksandrio, katolika.