Amerika bizono

Kiel legi la taksonomion

Amerika bizono

Alternativa bildo
Historia desegnaĵo
Sonregistraĵo de bizona bleko

Biologia klasado

Regno:	Animaloj Animalia
Filumo:	Ĥorduloj Chordata
Klaso:	Mamuloj Mammalia
Ordo:	Parhufuloj Artiodactyla
Familio:	Bovedoj Bovidae
Subfamilio:	Bovenoj Bovinae
Genro:	Bizono Bison
Specio:	B. bison

Dunomo

Bison bison
(Linnaeus, 1758)

Konserva statuso

Konserva statuso: Dependa je protektado (LR/cd)^[1]

Subspecioj

B. b. athabasacae
B. b. bison

Aliaj Vikimediaj projektoj

Sistematiko en Vikispecioj

Komunejo pri Amerika bizono

v • d • r

La Amerika bizono (Bison bison) estas boveda mamulo, kiu estas la plej granda terbesto de Nordameriko kaj unu el la plej grandaj bovospecioj de la mondo. Pli granda ol la plej granda subspecio de la amerika bizono, la arbara bizono, estas nur la giganta Azia gaŭro kaj la sovaĝa akvobubalo, ambaŭ loĝantoj ĉefe en Barato. La amerika bizono vivis sur la Nordamerikaj Grandaj Ebenaĵoj de Usono kaj Kanado en grandegaj gregoj; ilia vivregiono etendiĝis en la Granda Slavia Lago en la nordo de Kanado ĝis Meksiko en la sudo kaj de orienta Oregono preskaŭ ĝis la Atlantika Oceano.

Tiaj gregoj estis ĉasitaj je la fino de la 19-a jarcento ĝis preskaŭ minaci la formorton de la specio (restis nur 325 en 1884). Ĝi estas la unua usona kazo de mamula specio sukcese reenkondukita en la sovaĝejon (oni supozas, ke estas ĉirkaŭ 500 000 en 2015, kaj almenaŭ kelkaj en ĉiu usona ŝtato). En majo 2016, la bizono iĝis la oficiala mamulo de Usono post la leĝigo de la National Bison Legacy Act^[2]).

Ĝiaj du subspecioj estas la Preria bizono (Bison bison bison) kaj la Arbara bizono (Bison bison athabascae); el la du, la arbara bizono estas pli granda, kaj ĝia ĝibo estas pli kvadrateca dum la ĝibo de la preria bizono estas pli rondeca.

Oni foje nomas la amerikan bizonon amerika bubalo, kvankam tiu nearktisa specio estas nur malproksime parenca al la akvobubalo kaj afrika bubalo.