Discord

Discord estas senpaga proprieta retotelefonada programaro farita por ludantaj komunumoj. Discord estas disponebla por Microsoft Windows, Mac OS X, Android, iOS, Linux kaj ankaŭ funkcias en retumiloj. Ekde julio 2016, ĝi estis uzata de pli ol 11 miliono da uzantoj. Discord aspektas kaj funkcias tre simile al Slack, kun grupoj organizitaj en 'serviloj' kaj tekst-bazitaj diskutkanaloj organizitaj laŭ temo. Ekzistas ankaŭ funkcieco por videaĵoj kaj aŭda babilejo. Kvankam kreita en 2015 plejparte por interretaj ludantoj, malsamaj grupoj migris al ĝi laŭlonge de la tempo, inkluzive de influantoj, kreintoj, artistoj ktp.

Programaro

La aplikaĵo Discord estas tajlorita por uzi dum ludado, enhavante trajtojn kiel malalta respondotempo kaj dediĉita servila infrastrukturo, por malebligi la dividadon je IP-adresoj. Krome al voĉbabilado per servilo-babilejoj, la evoluiga teamo planas aldoni rektan vokadon inter uzantoj, video-vokadon kaj dividadon je ekranoj. Rekta vokado aperis en ĝisdatigo je la 28-a de julio, 2016 kun subteno por voĉbabilado inter du uzantoj kaj ankaŭ grupa voĉbabilado.

Malgraŭ ke la programaro mem estas senpaga, la evoluigantoj esploras manierojn por fari monon el ĝi, eblaj opcioj inkluzivante pagatajn proprigajn opciojn kiel emoĝioj aŭ glumarkoj.

Babilejoj en Esperanto

Ekzistas ponto inter Diskordo kaj la plej aktiva esperantlingva telegrama grupo, Nova Esperantujo (vidu la eksterajn ligilojn).

Vidu ankaŭ

• Interreta telefono
• Skajpo
• Slack (Slackware)

Eksteraj ligiloj

• Hejmpaĝo de Discord angle
• Blogo de Discord angle
• Nova Esperantujo en Diskordo