Ebono
Ebono estas malmola, peza, densa, malhela ligno (nigra, ruĝa, verda) de diversaj arbospecioj, precipe de la specioj de genro Diospyros el ebonacoj.
Oni nomas vera aŭ nigra ebonarbo plurajn speciojn (Diospyros ebenum, Diospyros melanoxylon kaj aliaj) de arboj kun nigra ligno. Ili kreskas en Azio, Hindio.
El la nigra ligno oni skulptas intarsiojn, pianajn klavojn, ornamobejktojn ktp. En Eŭropo, oni povas imiti la lignon per marinado.
Kelkajn speciojn (D. lotus, D. kaki) oni kultivas por la fruktoj eĉ en Sud-Eŭropo.
Laŭ Francisko Azorín Ebono estas Nigra, malmola, peza ligno, uzata por luksaj mebloj.[1] Kaj li indikas etimologion el greka ebenos (ebono), kaj de tie la latina ebenus. Kaj li aldonas teknikajn terminojn kiaj Ebonisto, por metiisto kiu konstruas luksajn meblojn; ebonarto, ebonaristejo, ebonujo.[2]
Notoj
[redakti | redakti fonton]- ↑ Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 62.
- ↑ Azorín, samloke.