Evelyn Waugh

Honorigoj
Honorigoj	(1952) James Tait Black Memorial Prize (en) ; (1936) Hawthornden Prize (en) ; vd

**Evelyn Waugh**
Evelyn Waugh
Persona informo
	Evelyn Waugh
Naskiĝo	28-an de oktobro 1903; en West Hampstead
Morto	10-an de aprilo 1966 (62-jaraĝa); en Combe Florey
Mortis pro	Naturaj kialoj vd
Mortis per	Korinfarkto vd
Tombo	Church of St Peter & St Paul (en) vd
Religio	katolikismo vd
Lingvoj	angla vd
Loĝloko	Londono vd
Ŝtataneco	Unuiĝinta Reĝlando (Britio) vd
Alma mater	Kolegio Hertford ; Heath Mount School (en) ; Lernejo Sherborne ; Lancing College (en) ; Heatherley School of Fine Art (en) vd
Familio
Patro	Arthur Waugh vd
Patrino	Catherine Charlotte Raban (en) vd
Gefratoj	Alec Waugh (en) vd
Edz(in)o	Laura Herbert (1937–); Evelyn Gardner (en) (1928–) vd
Infanoj	Auberon Waugh (en) ; ( Laura Herbert); Harriet Mary Waugh (en) ; ( Laura Herbert); James Waugh (en) ; ( Laura Herbert); Margaret Evelyn Waugh (en) ; ( Laura Herbert); Maria Teresa Waugh (en) ; ( Laura Herbert); Mary Waugh (en) ; ( Laura Herbert); Septimus Waugh (en) ; ( Laura Herbert) vd
Profesio
Okupo	milita ĵurnalisto ; sciencfikcia verkisto ; taglibristo ; prozisto ; scenaristo ; verkisto ; aŭtobiografo ; romanisto ; novelisto vd
Aktiva dum	1924– vd
Verkado
Verkoj	A Handful of Dust ❦; Brideshead Revisited vd
Honorigoj
Honorigoj	(1952) James Tait Black Memorial Prize (en) ; (1936) Hawthornden Prize (en) ; vd
vd	Fonto: Vikidatumoj
	v • d • r

Evelyn Arthur WAUGH (naskiĝinta la 28-an de oktobro 1903 en Londono, mortinta la 10-an de aprilo 1966 en Taunton) estis angla verkisto.

Vivo kaj verkado

Waugh, filo de eldonisto frekventis la universitaton de Oksfordo kaj iĝis instruisto. Inter 1928-38 li publikigis kvin satirajn romanojn, en kiuj li prezentis kritike aspektojn de brita vivo influita de kolonialismo, speciala lernejsistemo kaj de inter la militoj tipa dekadenca kaj cinika vivointerpreto. La titoloj de la romanoj tiamaj jenas: Decline and Fall (1928), Vile Bodies (1930), Black Mischief (1932), A Handful of Dust (1934) kaj Scoop (1938). Kelkajn jarojn pli malfrue sekvis la romano Put Out More Flags (1942) kun intrigo antaŭ la fono de la Dua Mondmilito.

La postaj verkoj estiĝis sub la influo de lia konvertiĝo al katolikismo (li iĝis ano de la Romkatolika eklezio en 1930). Kvazaŭ lia plej bona romano konsideratas Brideshead Revisited (1945). Tie Waugh tre serioze raportis la destinon de la nobela familio Marchmain, kiu post multaj konfliktoj finfine retrovos la katolikan kredon. Surbaze de ĝi faritis ankaŭ televidserio, kiu dissenditis en 1981 en la Unuiĝinta Reĝolando. En la verko The Loved One (1948) Waugh satire kritikas la troigitajn funebrajn ceremoniojn en Usono.

La spertojn militajn Waugh uzis por la romana trilogio Sword of Honour al kiu apartenas la volumoj Men at Arms (1952), Officers and Gentlemen (1955) kaj Unconditional Surrender (1961): la milito iĝas tie lukto eterna inter la bono kaj la malbono, kulturo kaj barbarismo.

Havante brilan stilon li verkis krome vojaĝlibrojn kaj biografiojn. Sub la titolo A Little Learning (1964) kaŝas sin liaj rememoroj. Lia frato estas la verkisto Alec Waugh, kiu skribis romanojn, vojaĝlibrojn kaj rakontojn.

Listo de verkoj

Decline and Fall (romano, 1928)
Rossetti (biografio, 1928)
Vile Bodies (romano, 1930)
Black Mischief (romano, 1932)
A Handful of Dust (romano, 1934)
Edmund Campion (biografio, 1935)
Scoop (romano, 1938)
Brideshead Revisited (romano, 1945)
Scott-King's Modern Europe (romano, 1947)
The Loved One (romano, 1948)
Trilogio:
- Men at Arms (romano, 1952)
- Officers and Gentlemen (romano, 1955)
- Unconditional Surrender (romano, 1965)
Ronald Knox (biografio, 1959)
A Little Learning (membiografio, 1964)