Hu Yaobang

Hu Yaobang
Persona informo
胡耀邦
Naskiĝo	20-an de novembro 1915 (1915-11-20) en Liuyang
Morto	15-an de aprilo 1989 (1989-04-15) (73-jaraĝa) en Pekino
Mortis pro	Naturaj kialoj vd
Mortis per	Korinfarkto vd
Religio	ateismo vd
Lingvoj	ĉina vd
Ŝtataneco	Popola Respubliko Ĉinio (1949–1989) Respubliko Ĉinio (1915–1949) vd
Alma mater	Ŝanhaja Komunika Universitato vd
Partio	Komunista Partio de Ĉinio (1933–1989) vd
Subskribo
Familio
Infanoj	Hu Deping (en) , Liu Hu (en) , Hu Dehua (en) vd
Profesio
Okupo	politikisto vd
Postenoj Postenoj Ĝenerala Sekretario de la Komunista Partio de Ĉinio (1982–1987) Partiestro de Komunista Partio de Ĉinio (1981–1982) komitatano de la Permanenta Komitato de Politika Buroo de Komunista Partio de Ĉinio (1980–1987) General Secretary of the Central Committee's Secretariat (en) (1980–1982) Head of the Publicity Department of the Chinese Communist Party (en) (1978–1980) vd
vd	Fonto: Vikidatumoj

HU Yaobang (ĉine 胡耀邦, pinjine: Hú Yàobāng; naskiĝis en novembro de 1915 en Liu-yang, provinco Hunan, Ĉinio, kaj mortis la 15-an de aprilo 1989, en Pekino). Li estis la ĝenerala sekretario de la Ĉina Komunista Partio inter 1981 kaj 1987.

Li naskiĝis en malriĉa kamparana familio, kaj en aĝo de 14 forlasis la hejmon kaj aliĝis al la komunistoj. Li iĝis ano de la Komunista partio en 1933.

Post la Longa marŝo (1934–35), li iĝis proksima kunlaboranto de la pli posta partia gvidanto Deng Xiaoping. En 1952, Hu sekvis Deng-on al Pekino, kie li iĝis gvidanto de la Komunista Junulara Asocio (1952–66).

Post la eko de la kultura revolucio, li kaj Deng estis dufoje forigitaj el la gvidantaro, sed ambaŭfoje ili estis rehabilititaj. Post la dua fojo en 1977 li iĝis gvidanto de la struktura sekcio de la partio, poste ano de la Politika Komitato kaj propaganda ĉefo.

Hu iĝis ĝenerala sekretario de la ĉina Komunista partio en februaro de 1980 kaj samtempe konstanta ano de la Politika Komitato. En junio de 1981 li plupaŝis: li iĝis partia prezidanto. Lia graviĝo estis dankebla al Deng Xiaoping.

Dum lia gvido estis akceptata la nova ekonomia gvidlinio, kiu preferas pragmatismon kontraŭ ideologismo.

Komence de 1987 oni abdikigis lin pro politikaj eraroj (permeso de longtempa manifestacio de studentoj).

Anekdoto

Li volis enkonduki la forkon kaj kuleron anstataŭ la tradiciaj manĝbastonoj, sed tio fiaskis.

Antaŭe:	Ĝenerala Sekretario de la Komunista Partio de Ĉinio	Poste:
Hua Guofeng	Prezidanto (1981–1982) kaj Ĝenerala Sekretario (1982–1987)	Zhao Ziyang