John Atta-Mills
| John Atta-Mills | |||||
|---|---|---|---|---|---|
 Elekta afiŝo por John Atta-Mills.
| |||||
| Persona informo | |||||
| John Evans Atta Mills | |||||
| Naskiĝo | la 21-an de julio 1944 en Tarkovio, Ganao | ||||
| Morto | la 24-an de julio 2012 en Akrao, Ganao (68-jara) | ||||
| Mortis pro | Naturaj kialoj  vd
| ||||
| Mortis per | Laringa kancero vd
| ||||
| Tombo | Asomdwe Park vd
| ||||
| Religio | Metodisto | ||||
| Lingvoj | angla • fantea vd | ||||
| Ŝtataneco | Ganao vd
| ||||
| Alma mater | Universitato de Ganao LSE, SOAS | ||||
| Partio | Nacia Demokrata Kongreso | ||||
| Familio | |||||
| Edz(in)o | Ernestina Naaduu | ||||
| Infanoj | Sam Kofi Atta Mills[1] | ||||
| Parencoj | Thomas Hutton-Mills, Jr. (en)  (kuzo aŭ kuzino) vd
| ||||
| Profesio | |||||
| Okupo | politikisto advokato universitata instruisto ekonomikisto vd
| ||||
| Laborkampo | Jurisprudenco vd
| ||||
| Aktiva en | Akrao vd | ||||
| |||||
| |||||
| |||||
| En TTT | Atta Mills | ||||
| Prezidanto de Ganao | |||||
| Dum | la 7-an de januaro 2009 – la 24-an de julio 2012 | ||||
| Antaŭulo | John Kufuor | ||||
| Sekvanto | John Dramani Mahama | ||||
| vd | Fonto: Vikidatumoj | ||||
John Evans Fifii ATTA-MILLS (naskiĝis la 21-an de julio 1944, mortis la 24-an de julio 2012; ofte ankaŭ sen ligostreko inter la du eroj de la familia nomo, do "Atta Mills") estis ganaa politikisto. Li estis vic-prezidanto ekde 1997 ĝis 2001 sub prezidanto Jerry Rawlings, kaj staris sensukcese en la 2000 kaj 2004 prezidantelektoj kiel kandidato de la Nacia Demokrata Kongreso (nomata kiel la angla mallongo NDC). Post li venkis la regantopartian kandidaton Lulkanto Akufo-Addo[2] en la 2008 elekto, ekde la 7-a de januaro 2009 Atta-Mills estis la ŝtata prezidanto de Ganao. Li mortis 68-jaraĝa, la 24-an de julio 2012, en la Tridek-sepa Milita Hospitalo en Akrao, pro gorĝa kancero.[3]
Frua vivo
[redakti | redakti fonton]Atta-Mills estis ano de Fante, etna subgrupo de la Akanoj el Ekumfi Otuam; la Fanteoj vivas plejparte en la Centra Regiono de Ganao. Lia meznomo Fifii estas fantelingva vorto kiu signifas "vendredon", la semajntagon de sia naskiĝo.[4][5]
Kiam li naskiĝis, la 21-an de julio 1944, lia familio vivis en Tarkovio (Tarkwa), Ganao, en la Okcidenta Regiono. Li edukis ĉe Achimota Lernejo, kie li ricevis la progresinto-nivela diplomo en 1963, kaj la Universitato de Ganao en Legono, antaŭurbo de Akrao, kie li jurdiplomiĝis en 1967. Ekde 1968 Atta-Mills studis ĉe la Londona Skolo de Ekonomiko kaj Politika Scienco, kaj doktoriĝis en juro ĉe la Skolo pri Orientaj kaj Afrikaj Studoj de la Universitato de Londono (1971), post li kompletigis sian doktoran tezon en impostado kaj ekonomia disvolviĝo.[1]
Biografio
[redakti | redakti fonton]Atta-Mills komencis formale instruadi kiel docento ĉe la Fakultato de Juro ĉe la Universitato de Ganao en Legono. Li instruis preskaŭ dudek kvin jaroj en Legono kaj aliaj universitatoj, kaj li vojaĝis monde kiel vizitanta preleganto en edukaj institucioj kiel la LSE kaj prezentis esploraĵojn en simpozioj kaj konferencoj. En 1971 la programo Fulbright selektis lin kiel vizitanta stipendiulo ĉe la jurskolo ĉe Universitato Stanford en Usono.[6]
Atta-Mills revenis al Ganao post la Jura Doktoreco por instrui dum 25 jaroj en la ĉeesta Universitato de Ganao. Li estis vizitanta profesoro kaj ĉe Jurskolo de Templea Universitato en Filadelfio, Usono, dum du skipoj (1978–1979; 1986–1987) kaj ĉe Universitato de Lejdeno en Nederlando (1985–1986). Li verkis plurajn eldonaĵojn pri impostado dum la 1970-aj kaj 1980-aj jaroj.
Krom akademiaj okupoj, Profesoro Atta-Mills estis anstataŭa komisiito de Ganaa Enlandimposta Servo ekde 1986 ĝis 1993 sub prezidanto Jerry Rawlings, kaj komisiito ekde 1993 ĝis 1996.[1] En 1992, li fariĝis vicprofesoro de juro ĉe la Universitato de Ganao.
Eldonaĵoj
[redakti | redakti fonton]Profesoro Mills verkis pli ol unu dekduon de eldonaĵoj, kiuj inkluzivis:[7]
- 1974: Taxation of Periodical or Deferred Payments arising from the Sale of Fixed Capital ("La impostado pri periodaj aŭ prokrastigaj pagaĵoj rezulte de la vendo de fikskapitala aktivaĵo")
- 1977: Exemption of Dividends from Income Taxation: A Critical Appraisal ("La enspezimposta escepto de dividendoj: analiza taksado"), en Katika: Review of Ghana Law, 1997, 9:1, paĝoj 38-47
- 1977: Report of the Tax Review Commission, Ghana ("Raporto de la Impostreviza Komisiono, Ganao"), partoj 1, 2 kaj 3
- 1978: Ghana's Income Tax Laws and the Investor ("La enspezimpostaj leĝoj de Ganao kaj la investanto"), prelegoj, Universitato de Ganao
- 1993: Ghana's new investment code: an appraisal ("La nova investkodo de Ganao: taksado"), Katika: University of Ghana Law Journal, 1993, vol. 18, paĝoj 1-29
Notoj
[redakti | redakti fonton]- ↑ 1,0 1,1 1,2 Profile: Ghana President John Atta Mills, la 3-an de januaro 2009, BBC News. Aliris la 24-an de julio 2012.
- ↑ Francis KOKUTSE, Opposition leader wins presidency in Ghana ("Opoziciestro gajnas prezidantecon en Ganao"), la 3-an de januaro 2009, Associated Press, USA Today. Aliris la 24-an de julio 2012.
- ↑ Ghana's President John Atta Mills dies ("Mortis Ganaa prezidanto John Atta Mills"), la 24-an de julio 2012, BBC News. Aliris la 24-an de julio 2012.
- ↑ Akan Day Names Arkivigite je 2012-07-23 per la retarkivo Wayback Machine ("Akanaj tagnomoj"). Aliris la 24-an de julio 2012.
- ↑ Baby Names Pedia ("Signifo de bebnomoj"), Aliris la 24-an de julio 2012.
- ↑ Ghana’s President Atta Mills has died at age 68, only months before seeking 2nd term Arkivigite je 2019-03-27 per la retarkivo Wayback Machine ("Ganaa prezidanto Atta Mills mortis je la aĝo de 68, nur monatoj antaŭ celi duan oficoperiodon"), la 24-an de julio 2012, The Washington Post. Aliris la 24-an de julio 2012.
- ↑ Curriculum Vitae, Prof. John Evans Atta Mills, la 1-an de julio 2007, Interreta Arkivo. Aliris la 3-an de aŭgusto 2012.