MO S-11 "U Posedu"

U Posedu
Koda nomo	MO S-11
Betonado	5-a – 10-a de aŭgusto 1936
Tipo	PSO
Rezistkapablo	la II-a
Armiloj en embrazuroj sub betono dekstre – maldekstre	D, D – D, D, G
Kloŝoj - turoj - kupoloj	ZN - ZN
Ŝirmaj embrazuroj	3
Nombro de etaĝoj	2
Konstru-subsektoro	la 2-a subsektoro – Ludgeřovice
Hom-ekipo	17/17
Bataliono	la I-a
Roto	la 3-a
Supra etaĝo
Suba etaĝo

	MO S-11 "U Posedu"
	infanteria fuorto
	MO S-11 "U Posedu"
	Oficiala nomo: MO S-11 "U Posedu"
Lando	Ĉeĥio
Regiono	Moraviasilezia regiono
Distrikto	Distrikto Opava
Municipo	Šilheřovice
Historiaj regionoj	Ĉeĥa Silezio, Sudetio
Parto de	PGK II Hlučín
Montaro	Opava montetaro
Situo	MO S-11 "U Posedu"
- koordinatoj	49° 54′ 30″ N 18° 16′ 23″ O / 49.90833 °N, 18.27306 °O (mapo)
Betonado de objekto	5-a de aŭgusto – 10-a de aŭgusto 1936
Rezistkapablo	II
Nombro de etaĝoj	2
Armilaro de objekto	4x peza maŝinpafilo mod. 37; minĵetilo mod. 38; malpeza maŝinpafilo mod. 26
	Situo enkadre de Ĉeĥio Situo enkadre de Ĉeĥio
	Vikimedia Komunejo: MO-S 11 U posedu casemate
	Portalo pri Ĉeĥio

Koordinatoj: 49° 54′ 30″ N 18° 16′ 23″ O / 49.90833 °N, 18.27306 °O (mapo)

MO S-11 "U Posedu" (Esperante Ĉe Arbĉasloko) estas infanteria fuorto konstruita en arbaro nomata „Nigra arbaro“. Irante al ĝi el municipo Šilheřovice ni renkontos en linio de ĉeĥoslovakaj antaŭmilitaj fortikaĵoj ankaŭ ties najbarojn. Ĉar tiu ĉi objekto situas en ondiĝinta arbara tereno, projektistoj de la objekto projektis en ĝi ankaŭ kazematon por speciala fortikaĵa minĵetilo, kiu devis esti ŝargota de malantaŭe. La objekto estas rekonstruata kaj vizitebla jam nun.

Historio de la objekto

Tiu ĉi fuorto estis betonigita en la tagoj de la 5-a ĝis la 10-a de aŭgusto 1936 kiel la deka en la tuta fortikaĵlinio. Ĝia ĉefa tasko estis agadi per siaj maŝinpafiloj en pafbaraĵon de la ĉirkaŭaj objektoj kaj per minĵetilo kovri la surdajn spacojn en direkto al Bohumín.

Konkurson por konstrui gajnis firmao Ing. Josef Filip, Praha XIX, kiu devligis sin konstrui subsektoron Ludgeřovice, kies parto la fuorto estas, dum 200 tagoj sen kromlaboroj.

La konstruisto havis jam de komence problemojn kun la konstruado, pri kio atestas ankaŭ malalta firmeco de betono de la konstruataj objektoj. La firmao ne kapablis certigi ĝustan formon de provkuboj, kiu estis laŭ provinstitucio unu el kaŭzoj de nesufiĉaj rezultoj de la provoj.

La firmao estis devigita establi mallarĝtrakan fervojon kun ŝpuro 760 mm kaj longeco 9,5 km. La fervojo kunigis la objekton kun ŝoseo al Petřkovice. La trafikon sekurigis vaporlokomotivo.

La garnizonon kreis 34 viroj de 3-a roto de la I-a Limgardista regimento 4. La objekto estis armigita per kvar malpezaj maŝinpafiloj mod. 37 kaj ĝi devis havi lokigita 9 cm fortikaĵan minĵetilon mod. 38. La garnizono en la tempo de paco dividiĝis en du sinsekvojn. Unu ekzercis en la objekto dum 14 tagoj kaj la alia estis loĝigita en kazerno en Koblov, konstruita speciale por soldatoj deĵorantaj en la fortikaĵoj. Komandanto de la objekto estis en septembro de 1938 serĝento pludeĵoranta Jaroslav Kokšál. Tiutempe la fuorto estis armigita kaj ekipita. La soldatoj iom post iom atingis forveturigi ĉiun ekipaĵon el la fuorto kaj ili transdonis al la nazia agresoro nur betonan konstruaĵon. Printempe de 1939 la okupantoj elŝiris ambaŭ blendajn kloŝojn, el kiuj ili lokigis la dekstran sur objekto OP S-28 (pli poste ĝi estis lokigita en objekto OP S-10). Je ses jaroj pi poste devene venis laboristoj, kiuj sub inspekto de oficiroj de Wehrmacht fosis en la ĉirkaŭaĵo fosaĵojn kaj preparis la fuortojn por defendo antaŭ proksimiĝanta soveta batalfronto. En la tempo de Ostrava operaco, kiam grandegaj grupiĝoj de sovetaj armeoj impetis al ŝtala koro de la respubliko, regis ĉi tie relativa trankvilo. Post trabato de la linio ĉe Darkovice kaj Štítina la restoj de la germana armeo detiriĝis el la arbaro nomata Černý les (Nigra arbaro).

En la 1950-aj jaroj Ĉeĥoslovaka popola armeo konstruis en la objektoj municiajn deponejojn. Post la jaro 1968 la sovetaj okupaciaj soldataroj faris ĝisfundan esploron de la fortikaĵoj. Post la sovetaj okupantoj restis en la objekto spuroj sur muroj kaj sur ĉirkaŭaj arboj skribaĵoj ĉizitaj en azbuko. Je tri jaroj pli poste – 21-an de oktobro 1971 el ordono de soldata administracio okazis enmasonigo de la objekto.

Nuntempe okazas en la objekto rekonstruo kaj ĝi estas alirebligita por publiko kiel privata muzeo.

Pluaj fotoj

MO S-11 "U Posedu", la maldekstra flanko
Vido al minĵetila pafejo (enmasonigita) en diamanta fosaĵo, la dekstra flanko

Rilataj temoj

Eksteraj ligiloj

Bildoj, sonoj kaj videoj pri temo MO S-11 "U Posedu" en Vikimedia Komunejo
Infanteria fuorto MO-S-11 U posedu

Sekvanta objekto:	Sektoro Moravia Ostrava	Antaŭa objekto:
MO S-12	MO S-11 "U Posedu"	MO S-10