FC Spartak Mosku
Moskuko Spartak Fubol Taldea (errusieraz Футбольный клуб «Спартак» Москва) Moskuko futbol talde bat da, Errusiakoa. Sobietar Batasunaren garaian, txapelketa ugari irabazi zituen (12 liga eta 10 kopa) eta Errusiako Premier Liga sortu zenetik talderik oparoena izan da, 10 Liga eta 3 Kopa. Etxeko partidak Luzhnikí estadio olinpikoan jokatzen ditu.
| Ezizena(k) | "Myaso" ("haragia") Narodnaya komanda ("herriaren taldea") | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Sorrera | 1922 | ||||||||||||||||||||||||||||||||
| Futbol zelaia | Luzhnikí estadio olinpikoa edukiera: 78.360 lagun | ||||||||||||||||||||||||||||||||
| Presidentea |  Leonid Fedun | ||||||||||||||||||||||||||||||||
| Entrenatzailea |  Guille Abascal | ||||||||||||||||||||||||||||||||
| Liga | Errusiako futbol liga | ||||||||||||||||||||||||||||||||
| 2023-24 | 5.a | ||||||||||||||||||||||||||||||||
| Webgunea | Webgune ofiziala | ||||||||||||||||||||||||||||||||
| |||||||||||||||||||||||||||||||||
Historia
aldatuSorrera eta hasierako urteak
aldatuSpartak Fubol Taldearen sorrera Nikolai Starostin jokalariari loturik dago dudarik gabe. Starostin izotz hockey jokalaria zen baina 1920 urtean aita hil zitzaion eta familia aurrera ateratzeko udan futbolean jokatzen hasi zen. 1922an Ivan Artemiyev eta berak Krasnaya Presnya izenarekin sortu zuten futbol taldea. Auzoan Dinamo Mosku taldea zeukan eta lehen urteetan haren itzalean egon arren urtez urte maila hobetzen joan zen.
Spartak izena
aldatu1936an Sobietar Batasuneko Liga sortu zen. Garai hartako talde nagusiek babesle garrantzitsuak zituzten, (Dinamok polizia, CSKA-k armada...). Krasnaya Presnya herriaren taldea zen eta horregatik Starostinek taldearentzako Spartak izena proposatu zuen Erroma garaiko Espartako gladiadorearen irudiak taldea ongi ordezkatzen zuela ikusiz. Lehenenpo txapelketa Dinamok irabazi zuen eta bigarrena Spartakek. Bigarren Mundu Gerraren aurretik beste bina Liga eta Kopa ere eskuratu zituen.
50eko hamarkada: Joko ikusgarria
aldatu50eko hamarkadako txapelketak Spartak eta Dinamoren artean banatu zituzten. Spartakek joko ikusgarria egiten zuen eta SESBeko futbol selekzio nazionala Spartakeko jokalariez osatu zen ia erabat. 1956an Luzhnikí estadio olinpikoa inauguratu zuen. 1952 eta 1971 artean 6 Liga eta 5 Kopa eskuratu zituen.
80ko hamarkada: Konstantin Beskov
aldatu70. hamarkadan mailak behera egin zuen eta 1976an bigarren mailara jeitsi zen. Konstantin Beskov entrenatzailea fitxatu zuen eta honek harrobiaren aldeko apustua egin zuen. Emaitzak harrigarriak izan ziren 1979an Liga irabazi baitzuen.
Hamarkadako berri txarrena 1982ko urriaren 20an gertatu zen. UEFA Kopako partida jokatzen ari zen HFC Haarlem talde herbehereetarraren aurka jokatzen ari zela jende uholdea gertatu zen eta 66 zale hil ziren.
1987an irabazi zuen azkenengo Liga Konstantin Beskovek eta Sobietar Batasuna desegin aurretik beste Liga bat (1989an) eta Kopa bat (1992an) lortu zituen.
Errusiako txapelketak
aldatuErrusiako Ligak abiatu zirenetik palmaresik onena duen taldea da, 9 Liga eta 3 Koparekin. Sobietar Batasunean zeuden taldeek elkarrekin jokatzen duten Estatu Independenteen Erkidegoko Kopa ere sei aldiz irabazi du. 1992 eta 2001 artean Oleg Romantsev presidente eta entrenatzailearen eskutik liga titulu guztiak eskuratu zituen bat ezik. Ordutik kostatu zaio liga berriz irabaztea, 2005etik hona 5 aldiz izan da bigarrena, baina 2016-17 denboraldian lortu du hamargarrena.
Uniformea
aldatuHistorikoa
aldatu
|
|
|
|
|||||||||||||||||||||||||||||||||||||||||||||||||||||||||||||
Azken urteak
aldatu
|
|
|
|
|
||||||||||||||||||||||||||||||||||||||||||||||||||||||||||||||||||||||||||||
Palmaresa
aldatuSobietar Batasuneko txapelketak: 23
aldatu- Sobietar Batasuneko Liga (12):
- 1936, 1938, 1939, 1952, 1953, 1956, 1958, 1962, 1969, 1979, 1987, 1989
- Sobietar Batasuneko Kopa (10):
- 1938, 1939, 1946, 1947, 1950, 1958, 1963, 1965, 1971, 1992
- Sobietar Federakuntzaren Kopa (1):
- 1987
Errusiako txapelketak: 15
aldatu- Errusiako Liga (10):
- 1992, 1993, 1994, 1996, 1997, 1998, 1999, 2000, 2001, 2017
- Errusiako Kopa (4):
- 1994, 1998, 2003, 2020
- Errusiako Superkopa (1): 2017.
Estatu Independenteen Erkidegoko txapelketak: 6
aldatu- Estatu Independenteen Erkidegoko Kopa (6)
- 1993, 1994, 1995, 1999, 2000, 2001
Euskal taldeen aurkako partidak
aldatuHauek dira Europako txapelketa ofizialetan Spartak Mosku taldeak euskal taldeen aurka jokatu dituen partidak:
| Denboraldia | Txapelketa | Fasea | Etxekoa | Emaitza | Kanpokoa |
|---|---|---|---|---|---|
| 2017-18 | Europa League | Final hamaseirenak | Spartak Mosku Athletic |
1-3 1-2 |
Athletic Spartak Mosku |
Kanpo estekak
aldatu- (Errusieraz)Spartaken webgunea
Datuak: Q29112
Multimedia: FC Spartak Moscow / Q29112
