Edukira joan

Brittney Griner

Wikipedia, Entziklopedia askea
Brittney Griner

Bizitza
Jaiotzako izen-deiturakBrittney Yevette Griner
JaiotzaHouston, 1990eko urriaren 18a (34 urte)
Herrialdea Ameriketako Estatu Batuak
Lehen hizkuntzaingelesa
Familia
Ezkontidea(k)Glory Johnson (en) Itzuli  (2015 -  2016)
Cherelle Griner (en) Itzuli  (2019ko ekaina -
Hezkuntza
HeziketaNimitz High School (en) Itzuli
Baylor University (en) Itzuli
(2009 - 2013)
Hizkuntzakingelesa
Jarduerak
Jardueraksaskibaloi jokalaria
Ibilbidea
Taldeak Urteak Pos Zbk
UMMC Ekaterinburg (en) Itzuli2015-2022
Baylor Bears women's basketball (en) Itzuli2009-2013pibot
Phoenix Mercury (en) Itzuli2013-2021pibot42
Zhejiang Far East (en) Itzuli2013-2014
Beijing Great Wall (en) Itzuli2014-2015
Phoenix Mercury (en) Itzuli2023-
Draft NBA Phoenix Mercury (en) Itzuli
 
Posizio edo espezialitateapibota
Kirol zenbakia42
Pisua94 kilogramo
Altuera203 zentimetro
Jasotako sariak
griner42.com
IMDB: nm5330249 Twitter: brittneygriner Instagram: brittneyyevettegriner Edit the value on Wikidata

Brittney Yevette Griner (Houston, Texas (AEB), 1990ko urriaren 18a), Women's National Basketball Associationeko (WNBA) Phoenix Mercury taldeko saskibaloi jokalari profesional estatubatuarra da[1]. Unibertsitateko saskibaloian jokatu zuen Baylor Lady Bears taldean Waco-n, Texas[2][3]. NCAAko (National Collegiate Athletic Association) saskibaloi jokalari bakarra da 2.000 puntu lortu eta 500 jaurtiketa blokeatu dituena[4]. 2012an, hiru aldiz All-American AP Urteko Jokalari eta Final Fourreko (Lauko Finala) jokalaririk nabarmenena izendatu zuten.

Zutik 206 cm-ko garaiera du Grinerrek; gizonezkoen AEBko 17 neurriko oinetakoak daramatza, eta 222 cm-ko beso-zabalera du[5][6].

2009an, Rivals.com-ek nazioko bigarren hezkuntzako emakumezkoen saskibaloi jokalaria izendatu zuen Griner. 2009ko Phoenix Mercury All-American saskibaloi talderako hautatu zuten[7]. 2012an, emakumezko atleta onenaren ESPY saria jaso zuen. 2016an, AEBko Emakume Olinpikoen taldean egon zen, eta 2016ko Udako Olinpiar Jokoetan garaipena lortzen lagundu zien[8]. 2013an, abal akordio bat sinatu zuen Nike etxearekin[9]. 2021eko ekainean, 2020ko Olinpiar Jokoetan AEBko Emakumeen Saskibaloi taldearekin lehiatuko zela iragarri zen[10].

Hastapenak

[aldatu | aldatu iturburu kodea]

Griner Sandra Grinerren alaba da. Hiru anai-arreba zaharrago ditu[11].

Batxilergoko ibilbidea

[aldatu | aldatu iturburu kodea]

Griner Houstongo Nimitz High Schoolera joan zen. Batxilergoan, idazketaz eta saskibaloiaz gain, unibertsitateko boleibolean aritu zen lehen ikasturteko ikasle gisa. Bigarren ikasturtean, Grinerrek mutilen saskibaloi taldearekin entrenatu zuen, eta,erremateak egiten prestatzeko, Nimitz-eko futbol-entrenatzaile batekin lan egin zuen hankak indartzen[12]. Junior denboraldian, 2.7 milioi aldiz baino gehiagotan ikusi zen bere erremateak agertzen ziren YouTube-ko bideo bat[13]; horrek Shaquille O'Nealekin bilera bat edukitzera eraman zuen[14].

Azken urtean, Nimitz Cougars Texas 5A nesken saskibaloi estatuko txapelketako partidara eraman zituen Grinerrek; Nimitzek, ordea, 52-43 galdu zuen Mansfield Summit High School-en aurka. Grinerrek, senior gisa, 52 erremate egin zituen 32 partidatan, eta, partida bakar batean, zazpi erremateko errekorra ezarri zuen Aldine High School-en aurka[15]. Houstoneko alkateak, Bill Whitek, Brittney Griner Eguna izendatu zuen 2009ko maiatzaren 7a[16]. 2008ko azaroaren 11n, 25 blokeo erregistratu zituen Houston Alief Hastingsen aurkako partida batean, AEBko batxilergoko partida batean emakume batek inoiz erregistratu gabea[14]. 2008-09 denboraldian, 318 blokeo erregistratu zituen, denboraldi bakarreko errekorra[17].

Griner WBCA All-American izendatu zuten, eta, 2009ko WBCA High School All-America Jokoan, parte hartu zuen, eta taldeko buru izan zen 20 puntu lortuz eta 9 errebote bilduz[18].

Unibertsitateko ibilbidea

[aldatu | aldatu iturburu kodea]

Grinerrek unibertsitateko saskibaloian jokatu zuen Waco-ko (Texas) Baylor Unibertsitatean. Lehen ikasturteko ikasle gisa, Grinerrek blokeatutako 223 jaurtiketak denboraldi bakarreko errekorra ezarri zuten, emakumezkoen saskibaloiaren historiako jaurtiketa-blokeatzaile handienetako bat bezala ageraraziz[19]. 2009ko abenduaren 16an, Grinerrek Baylor-en lehen hiruko-bikoitza[20] erregistratu zuen 34 punturekin eta 13 erreboterekin, eta Big 12 Conference-k blokeatutako 11 jaurtiketa erregistratu zituen. 2010eko urtarrilean, emakumezkoen unibertsitateko saskibaloi partida batean errematatzen zuen zazpigarren jokalaria bihurtu zen[21], eta unibertsitateko partida batean bi aldiz errematatzen zuen bigarren emakumea zen, unibertsitateko bere ibilbideko bigarren eta hirugarren erremateak lortuz[22]. Texas State University-ren aurka 99-18ko garaipen desitxuratua lortu zuen.

2010eko martxoaren 3an, Griner eta Jordan Barncastle, Texas Tech-eko jokalaria, erreitik gertuko posizioa lortzeko borrokan ari zirela, Barncastleri falta bat adierazi zioten; orduan, Grinerrek bi pauso aurrera eman, eta, eskuineko besoaz zirkulu bat eginez, ukabilkada bat eman zion Barncastleren sudurra hautsiz. Griner partidatik kanporatu zuten. Lady Bears-eko entrenatzaile zen Kim Mulkey-k, NCAAren arauek agindutako partida bateko zigorrez gain, beste partida bateko zigorra ezarri zion[23][24].

Baylor laugarren sailkatu gisa sartu zen NCAA Torneoan, eta lehen postua zuen Tennessee kanporatu zuen Sweet 16en. Martxoaren 22an, Grinerrek NCAA txapelketako errekorra ezarri zuen 14 jaurtiketa blokeatu eta Georgetown Hoyasen aurka 49-33 irabazita[25]. Elite Eight-en, Baylorrek Duke 51-48 garaitu zuen, eta Grinerrek 9 jaurtiketa blokeatu zituen, txapelketako 35 guztira, NCAA Emakumeen Txapelketako errekor berri bat. Dukeren aurreko errekorra, Alison Bales-ek zuen 2006ko NCAA Emakumeen Txapelketan, 30 blokeorekin[26]. Baylor Lauko Finalera iritsi zen, azkeneko partidan txapelduna zen UConn-en aurka 70-50 galdu aurretik. Griner AP Bigarren Taldeko All-American izendatu zuten[27].

Bigarren mailako ikaslea zela, Grinerrek Lehen Taldeko All-American ohoreak jaso zituen partidako 23 punturen batez bestekoa lortu ondoren, Sweet 16-n Green Bayren aurka lortutako 40 puntuak barne[28].

Junior denboraldian, Grinerrek, batez beste, 23,2 puntu, 9,4 errebote eta 5 blokeo lortu zituen partidako[28]. Lehenengo Mailako emakumezkoen beste edozein taldek baino jaurtiketa gehiago blokeatu zituen denboraldi hartan[29]. Griner APko Urteko Jokalari[30] eta 2012ko Emakumeen Unibertsitateko Saskibaloiko Lehen Jokalari izendatu zuten.

2012ko apirilaren 3an, Grinerrek Baylor taldea zuzendu zuen Notre Dameren aurka, 26 puntu, 13 errebote eta 5 jaurtiketa blokeatuta, Emakumezkoen Lehenengo Mailako Saskibaloi Txapelketa 80-61 irabazteko. Griner jokalaririk nabarmenena izendatu zuten Lauko Finalean. Baylorrek, 40 garaipenekin, denboraldia garaitua izan gabe amaitu zuen, NCAAren historiako behinena[31].

2012ko apirilaren 3an txapelketa irabazi ostean, Grinerrek 2012ko AEBetako Olinpiar Emakumeen saskibaloi taldetik bere hautagaitza kentzea erabaki zuen. Hilabetea geroago, Grinerrek, bere skateboardetik salto egin ostean, eskumuturra hautsi zuen arrapala batetik jaisten ari zela[32].

Bere unibertsitateko kirol-iblbidea, 2013ko NCAAko emakumeen saskibaloi txapelketan amaitu zen; Baylorrek Louisville Cardinals Unibertsitatearen aurka galdu zuen Sweet 16an[33].

Unibertsitateko kirol-estatistikak

[aldatu | aldatu iturburu kodea]
† NCAA txapelketa
double-dagger NCAA errekorrak
Urtea Denboraldia JP HP M/P JS% 3P% JL% ERR ASS LAP TAP GB PUN
2009–10 Baylor 35 35 33.5 .503 .000 .684 8.5 1.0 0.5 6.4 2.8 18.4
2010–11 Baylor 37 37 31.8 .543 .500 .777 7.8 1.4 0.4 4.6 2.1 23.0
2011–12† Baylor 40 40 32.7 .609 .500 .800 9.5 1.6 0.6 5.2 1.7 23.2
2012–13 Baylor 36 36 30.3 .607 .000 .712 9.4 2.4 0.7 4.1 1.9 23.8
Ibilbidea 148 148 32.0 .569 .400 .747 8.8 1.6 0.5 5.1 1.4 22.2
Urtea Erreboteak Blokeoak Tantoak Estatistika bereziak
Total Behinena Total Behinena Total Behinena
2009–10 297 21 223double-dagger 14 644 34 double-daggerNCAA record for blocks in a season
2010–11 290 15 170 10 852 40
2011–12† 379 15 206 9 929 45
2012–13 339 15 149 7 858 50
Ibilbidea 1,305 748double-dagger 3,283 double-daggerNCAA record for career blocks (men and women)

Kirol-Ibilbide profesionala

[aldatu | aldatu iturburu kodea]

WNBA

[aldatu | aldatu iturburu kodea]
Grinerrek 2015eko WNBA All-Star jokoan saskiratzen, Uncasville CT-ko Mohegan Sun-en

Bere altuera gainditzen duten nazioarteko emakumezko jokalari bakarrak dira: Margo Dydek (zendua) 2,18 m (zendua) Sue Geh, 2,06 m, Heidi Gillingham 2,06 m eta Allyssa DeHaan 2,06 m.

2013

[aldatu | aldatu iturburu kodea]

2013ko WNBAko aukera-saioan, Phoenix Mercuryk hautatu zuen Griner lehen aukera orokor gisa. Griner bere hasiberrien denboraldian nabarmendu zen; WNBAko izar izendatu zuten, eta, ligan, defentsako indar nagusi bat izango zen, partidako 3.0 blokeo, batez beste, eginez. 2013ko maiatzaren 27an Chicago Sky-ren aurka egin zuen debutean, Grinerrek WNBAko erremate errekorra berdindu zuen, bi erremate erregistratuz Candace Parkerrek ibilbide osoan egindakoa berdintzeko[34]; beraz, hori lortzen zuen WNBAko hirugarren jokalaria bihurtu zen, eta partida batean bi aldiz egiten lehena[35]. All-Star-erako botoa lortu arren, Grinerrek 2013ko WNBA All-Star Game galdu zuen eskuineko belauneko lesio baten ondorioz; Tina Thompson-ek ordezkatu zuen[36].

2014

[aldatu | aldatu iturburu kodea]

Grinerren estatistikak 2014ko denboraldian hobetuko ziren, 15,6 puntu, 8,0 errebote eta 3,7 blokeo lortu baitzituen partidako. 2014ko ekainaren 29an, Grinerrek, ohiko denboraldi partida batean, WNBAko errekorra ezarri zuen 11 blokeorekin, 21 puntu 8 erreboterekin batera, Tulsa Shock-en aurka irabazita[37]. 2014ko abuztuaren 24an, Griner WNBAko play-offetako partida batean errematatzen zuen lehen jokalaria bihurtu zen Mercuryri Staples Center-i Los Angeles Sparks 93-68 garaitzen lagundu zionean[38]. 2014ko denboraldia, historikoa izango zen Mercuryrentzat; Brittney Griner, Diana Taurasi, Candice Dupree (3 handiak) eta, taldea eramateko Sandy Brondello entrenatzaile berriaren etorrerarekin konbinatuta, Mercuryk 29-5 amaitu zuen, eta ohiko denboraldian garaipen gehien lortu duen WNBAko errekorra ezarri zuen[39]. WNBAko finalerdietaraino iritsi ziren, eta Chicago Skyren aurka jokatutako 3 partidak irabazi zituzten, Mercury frankizien historiako hirugarren txapelketaren garaipenera eramanez. Seriean zehar, Grinerrek, lehenengo partidan, WNBAko finalerdietako errekorrak ezarri zituen partida bateko blokeo (8) eta laurden bateko blokeo gehienetan (5).

Griner 2017an dejada bat egiten

2015

[aldatu | aldatu iturburu kodea]

2015eko denboraldiko lehenengo zazpi partidak galdu zituen etxeko indarkeriaren kasu baten ondorioz izandako zigorraren eraginez. Hala ere, Grinerrek WNBAren historiako defentsa-denboraldirik emankorrena izango zuen, 4.0 blokeo lortuz partidako, ibilbideko altuena eta WNBAko errekorra, Margo Dydek 1998ko denboraldian lortutakoaren gainetik. Mercury, Diana Taurasi, bere izar argitsuenarik (denboraldia atzerrian jokatzeko gelditu zen) gabe jokatzen ari bazen ere, play-offetara iritsi zen. 2015eko kanporaketan, Grinerrek WNBAko play-offetako errekorra ezarri zuen 11 blokeorekin (18 puntu, 8 erreboterekin batera) Tulsa Shock-en aurkako lehenengo partidako garaipenarekin, aurreko urtean ere izan baitzituen 11 blokeo ohiko denboraldiko partida batean[40]. Mercury bigarren itzulira pasatuko zen, eta urte hartan txapelketa irabaziko zuen Minnesota Lynx-ek kanporatuko zuen.

2016

[aldatu | aldatu iturburu kodea]

2016ko denboraldian, Diana Taurasi itzulita, Mercuryk play-off arrakastatsuagoak izan zituen. Play-offetarako bidean, Grinerrek, batez beste, 14,5 puntu, 6,5 errebote eta 3,1 blokeo lortu zituen partidako, Mercuryk 16-18 amaitu baitzuen. Denboraldian zehar, Grinerrek WNBAren historiako seigarren hirukoitza lortu zuen Atlanta Dream taldearen aurka irabazita, non 27 puntu, 10 errebote eta 10 blokeo lortu baitzituen[41]. WNBAren play-off formatu berria indarrean, Mercury ligako 8. serie-buru izan zen, eta, lehen itzulian, Indiana Fever-i egin behar izan zion aurre. Merkuryk Fever gainditu zuen lehen itzuliko kanporaketa partidan; Grinerrek 18 puntu, 8 errebote eta 3 blokeo lortu zituen. Bigarren itzuliko kanporaketa partidan, Mercuryk New York Liberty 3. sailkatua garaitu zuen, eta Grinerrek 22 puntu, 10 errebote eta 4 blokeo lortu zituen. Mercury finalerdietara pasatu zen (WNBAko finalen aurreko azken txanda), eta, 5eko seriean, txapela defendatzen zuen Minnesota Lynxen aurka jokatu zuen, baina 3-0 galduko zuen Mercuryk.

Very tall woman with arms raised, young woman passing the ball forward under strain, surrounded by players
Griner eta Mercury Minnesota Lynx-eko Seimone Augustus zaintzen, 2018an

2017

[aldatu | aldatu iturburu kodea]

2017ko martxoaren 12an, Grinerrek, bere hasiberrien kontratua iraungi zenean, berriro sinatu zuen urte anitzeko akordioa Mercuryrekin[42]. 2017an, Grinerrek ordurarteko bere ibilbideko denboraldirik onena izango zuen. 2017ko ekainaren 7an, 38 puntu lortu zituen, 9 erreboterekin batera, Indiana Fever-en aurka luzapenean 98-90 irabazita[43]. Grinerrek, orkatila eta belauneko lesio baten ondorioz, ohiko denboraldiko 8 partida eta 2017ko WNBA All-Star Game galduko zituen (Rebekkah Brunson-ek ordezkatu zuen); halere, ligako puntuazioetan (21,9 punturekin partidako) eta blokeotan ligako lider amaitu zuen denboraldia, bosgarrena jarraian. Mercuryk 18-16ko errekorrarekin amaituko zuen 5. sailkatu gisa. Lehen itzuliko play-offetan, Mercuryk Seattle Stormi 79-69 irabazi zion, bigarren itzulira pasatuz. Grinerrek 23 puntu lortu zituen garaipenean, 11 errebote eta 3 blokeorekin batera. Bigarren itzuliko kanporaketa jokoan, Mercuryk 88-83 irabazi zion Connecticut Sun taldeari, eta finalerdietara pasa zen. Grinerrek 26 puntu lortu zituen garaipenean, 9 erreboterekin batera. Finalerdietan, Los Angeles Sparksek 3 partidako erronda batean kanporatu zuen Mercury.

2018

[aldatu | aldatu iturburu kodea]

2018an, Grinerrek 34 partidak jokatu zituen, bere ibilbidean hirugarren aldiz. 2018ko WNBA All-Star Gamerako bozkatu zuten, eta izar jokoaren bere bosgarren agerraldia zuen. 2018ko abuztuaren 18an, Grinerrek 33 puntu lortu zituen, denboraldiko behinena, 18 errebote eta 7 blokeorekin batera, Atlanta Dreamen aurkako 104-95 garaipenean[44]. Denboraldi hau izan zuen bere lehen denboraldia arkutik haratago jaurtitzen. Griner, blokeotan ere, liga-buru izan zen seigarren urtez jarraian. Mercuryk 20-14 amaitu zuen denboraldia ligako 5. sailkaturik. Lehen itzuliko play-offetako partidan, Mercuryk 101-83 irabazi zion Dallas Wings taldeari. Grinerrek 17 puntu lortu zituen garaipenean. Bigarren itzuliko kanporaketa partidan, Mercuryk 96-86 irabazi zion Connecticut Sun taldeari, hirugarren urtez jarraian finalerdietara pasatuz eta Seattle Stormen aurka neurtuko zelarik. 2-0 behera, Mercuryk seriea 2-2 lotu zuen. 5. partidan, ordea, Mercuryk 94-84 galdu zuen, denboraldia amaitutzat emanez.

2019

[aldatu | aldatu iturburu kodea]

2019an, Griner 2019ko WNBA All-Star Gamerako bozkatuko zuten, izar jokoetako bere ibilbideko seigarren agerraldia bihurtuz. 2019ko abuztuaren 25ean, Grinerrek 34 puntu lortu zituen Chicago Skyren aurka 94-86 galdutako partidan, denboraldiko behinena[45]. Denboraldiaren amaieran, Griner, bere ibilbidean, bigarren aldiz izan zen liga-buru ligako puntuazioan, eta, blokeotan, zazpigarren denboraldiz jarraian jarraituko zuen liga-buru gisa. Mercuryk 15-19ko emaitzarekin eta sailkapenean 8. amaituko zuen. Lehen itzuliko play-offak jokoan, Chicago Skyk 105-76 kanporatu zuen Mercury lehen itzuliko kanporaketan. Grinerrek partidaren bigarren zatian utzi zuen partida belauneko lesio batekin.

2020

[aldatu | aldatu iturburu kodea]

2020an, denboraldia atzeratu, eta 22 partidatara laburtu zen COVID-19 pandemiaren ondorioz, eta IMG Academy-ko burbuila batean jokatuko zen. 12 partida jokatu ondoren, Grinerrek, arrazoi pertsonalak ezagutarazi gabe, burbuila utzi behar zuela jakinarazi zuten[46]. Griner gabe, Mercuryk 13-9 amaitu zuen 5. sailatu gisa. Bigarren itzulira arte iritsiko zen, eta, kanporaketa jokoan, Minnesota Lynxen aurka galdu zuen.

Selekzioa

[aldatu | aldatu iturburu kodea]

2011ko irailean, Grinerrek bi aste eman zituen AEBko selekzioan jokatzen Geno Auriemma entrenatzailearen gidaritzapean, Europako entrenamendu biraren barruan. Griner unibertsitateko jokalari bakarra zen taldean[47]. Batez beste, 12,8 puntu eta 7,3 errebote lortu zituen AEBko taldearekin Europan[32].

2012ko AEBko Olinpiar Emakumeen saskibaloi taldeetako finalisten zerrendan, unibertsitatean jokatzen jarraitzen zuen jokalari bakarra Griner zen[48]. Griner kenduta, finalisten zerrendako batez besteko adina 30 urte ingurukoa zen; Grinerrek, berriz, Olinpiar Jokoen garaian 22 urte zituen. Grinerrek 2012ko apirilean, familia-gaixotasun batengatik eta bere eskolako ordutegiagatik, 2012ko Olinpiar Jokoetan parte ez hartzea erabaki zuen[49].

2013ko apirilean, Dallas Mavericks-en jabeak, Mark Cuban-ek, esan zuen kontuan hartzen ari zela Grinerrek NBAn parte hartzeko proba egin zezan; Grinerri aukerak interesa piztu zion, baina taldeak ez zuen eskaintzarik luzatu[50].

2016an, Grinerrek AEBko emakumezkoen saskibaloi talde olinpikoarekin jokatu zuen Udako Olinpiar Jokoetan, eta bere lehen urrezko domina olinpikoa lortu zuen Espainiari 101-72 irabazita; horrela urrezko domina olinpiko bat, FIBA World Cupeko urrezko domina, WNBA titulua eta NCAA titulua lortu duten 11 jokalarietako bat bihurtu, eta Sue Bird, Swin Cash, Tamika Catchings, Cynthia Cooper, Asjha Jones, Maya Moore, Breanna Stewart, Sheryl Swoopes, Diana Taurasi eta Kara Wolters-en zerrendara batu zen[51].

Griner, 2020ko Olinpiar Jokoetarako, AEBko emakumezkoen saskibaloi talde olinpikorako hautatu zuten berriro[10].

2020ko Udako Olinpiar Jokoetan, Tokio 2020an (Tokio), urrezko domina irabazi zuen AEBko taldearekin Japoniako (zilarrezkoa) eta Frantziakoari (brontzezkoa) irabaziz. Hauek osatzen zuten taldea: Ariel Atkins, Sue Bird, Tina Charles, Napheesa Collier, Skylar Diggins-Smith, Sylvia Fowles, Chelsea Gray, Brittney Griner, Jewell Loyd, Breanna Stewart, Diana Taurasi eta A'ja Wilson-ek[52][53].

Udako Olinpiar Jokoetako emaitzak

[aldatu | aldatu iturburu kodea]
Udako Olinpiar Jokoak
Urtea Lekua Domina Proba
2016 Brasil Rio de Janeiro 1. postua, urrezko domina Emakumezkoa[54]
2020 Japonia Tokio 1. postua, urrezko domina Emakumezkoa[55]
2024 Frantzia Paris 1. postua, urrezko domina Emakumezkoa

Atzerrian

[aldatu | aldatu iturburu kodea]

Grinerrek atzerrian zein WNBAn jokatzen du[56]. 2013-14ko WNBAko ohiko-denboraldiz landa, Grinerrek Txinan jokatu zuen WCBAko Zhejiang Golden Bulls taldearekin, 600.000 $-ren truke 4 hilabeteko kontratua sinatu baitzuen; hau da, Mercuryrekin hasitako denboraldian lortutako kopuruaren 12 aldiz[57]. 2014-15 eta 2015-16ko ohiko-denboraldiz landa, Grinerrek Errusian jokatu zuen UMMC Ekaterinburg taldean Diana Taurasi taldekidearekin, ondoko txapelketak irabaziz[58][59]. 2016ko abuztuan, Grinerrek UMMC Ekaterinburgekin sinatu zuen berriro 2016-17ko ohiko-denboraldiz landarako[60]. 2017an, Grinerrek berriro sinatu zuen UMMC Ekaterinburg-ekin 2017-18 ohiko-denboraldiz landarako[61]. 2018an, Griner UMMC Ekaterinburgera itzuli zen 2018-19 ohiko-denboraldiz landako bosgarren denboraldi baterako.

Ohoreak

[aldatu | aldatu iturburu kodea]

Rivals.com-ek herrialdeko batxilergoko lehen jokalari gisa hautatu izanarekin batera, Griner ESPN-ren Rise aldizkariaren azalean agertu zen[62], eta Emakumeen Saskibaloi Entrenatzaileen Elkarteak 2009ko State Farm aseguru taldeko WBCA Batxilergoko Urteko Jokalari gisa hautatu zuen[62]. Grinerrek 2013ko ESPY (Unibertsitateko Emakumezko Kirolari Onenaren) saria ere irabazi zuen. 2012ko Honda Sports Award saskibaloiaren saria[63][64][65], eta kirol guztietako Honda-Broderick Kopako irabazlea ere izan zen. 2012an, Wade Trophy-ren hartzailea izan zen, zeina "Margaret Waderen Izpiritua"[66] gorpuzten duen NCAAko Lehenengo Mailako saskibaloi jokalari onenari eskaintzen zaion. Ann Meyers Drysdale sariaren irabazlea ere izan zen 2012an, baita 2013an ere, berriro. Saria AEBko Saskibaloi Idazleen Elkarteak ematen dio Nazioko I. mailako emakumezko jokalari gorenari[67].

Bere beste laudorio batzuekin batera, Grineri, erremateak egiteko bere gaitasunagatik, emakumezkoen jokoari arreta gehiago jarri izana egozten zaio[68]. Ibilbidean, NCAAren errekorra du 18 errematerekin[69], NCAAko emakumezkoen erremateen behin betiko buru gisa gainditu baitzuen Candace Parker[70].

  • 2009—WBCA High School Coaches' All-American taldea[71]
  • 2011—WBCA NCAA I. Mailako Urteko Defentsarako Jokalari[72]
  • 2012—WBCA NCAA I. Mailako Urteko Defentsarako Jokalari[72]
  • 2013—WBCA NCAA I. Mailako Urteko Defentsarako Jokalari[72]
  • 2014—FIBA Munduko Txapelketako All-Star Five[73]

2014an, Advokat aldizkarian, urteko "40 urtetik beherako" zerrendan sartu zen Griner[74].

2014an ere, ESPNW-ren Impact 25-etako bat izendatu zuten[75].

Bizitza pertsonala

[aldatu | aldatu iturburu kodea]

2013ko otsailaren 11n SI.com-ek egindako elkarrizketa batean, Grinerrek lesbiana bezala agertu zuen bere burua publikoki[76]. Elkarrizketan, txikitan jazarpena jasan zuela ere agerian utzi zuen, eta azaldu zuen: "Zaila da desberdina izateagatik, handiagoa izateagatik, nire sexualitatearengatik, guztiarengatik gogaitua izatea”. Gaiari buruz arreta erakartzeko, eskola-jazarpenaz, bereziki LGTB pertsonen aurkakoaz[76], haurrekin lan egiteak oso betetzen duela esan zuen. Grinerrek, emakumezkoen eta LGBT komunitatearen gizarte-estandarren ingurua zabaltzen ari den arren, ez du bere istorioa bereziki apurtzailetzat ikusten. Berak dioen bezala: "Jendeak langa hautsiko dudala eta bidea irekiko dudala esaten dit. Nik, besterik gabe, laguntzen saiatzen ari naizela ikusten dut; hurrengo belaunaldientzat, guretzat izan den bezain gogorra ez dadila izan saiatzen ari naiz"[77]. 2013an, Griner ESPN aldizkariaren azalean agertu zen. "The Taboo Issue"[78] filmean ere agertu zen. Eskuetan suge bat duela ageri da argazkian: "gaizki ulertuak" direlako omen da bere animalia gogokoena[79]. "Beste modu batera begiratu besterik ez dituzu egin behar" dio.

Nike enpresarekin sinatu zuen kontratua, eta enpresak argi eta garbi gay zen atleta batekin sinatzen zuen lehenengo aldia zen[80]. Grinerrek genero-rol tradizionalak atzera botatzen jarraitzen du, eta maiz agertzen da Nikerentzat[79] "gizonezko arropa" gisa markatutako arropaz jantzita. Nikeko bozeramaile den Brian Strong-ek hauxe esan zuen Griner fitxatzeari buruz: "Ezin dugu zehaztasunetan sartu, baina seguru dena da moldeak hausten dituelako izan zela berarekin lan egiteko aukerara salto egitea"[79].

Grinerrek, lehenago, batxilergoan azaldu zien bere sexu-joera gurasoei, eta aitak ez zuen gogobetez onartu, eta bere azken urteko sei aste, entrenatzaile-laguntzaile batekin bizitzera behartu zuen[81]. Geroago, jazarpenari eta autoonarpenari buruzko memoria bat idatziko zuen Sue Hoveyrekin: In My Skin: My Life On and Off the Basketball Court, 2014an argitaratua[81][82].

Griner-Johnson etxeko indarkeria kasua

[aldatu | aldatu iturburu kodea]

2014ko abuztuaren 14an, Grinerrek Glory Johnson WNBAko jokalariarekin zuen konpromisoa iragarri zuen[83][84]. Hala eta guztiz ere, 2015eko apirilaren 22an, bikotea atxilotu zuten, eraso eta desordena publikoa leporatuta, poliziak, Goodyear-eko Phoenix, Arizona auzoko etxean, bien arteko borroka bati erantzun ostean. Biek zaurituta azaldu ziren[85][86]. Bikotea, gertatutakoa alde batera utziz, hurrengo hilabetean ezkondu zen, 2015eko maiatzaren 8an, Phoenixen[87][88]. 2015eko maiatzaren 15ean, Grinerrek desordena jokabidearen akusazioengatik bere burua erruduntzat jo ostean, WNBAk zazpi partidaz zigortu zituen biak. Grinerrek etxeko indarkeriari buruzko aholkularitza ere bete behar izan zuen 26 astetan[89].

2015eko ekainaren 4an, Johnson bikiz haurdun zegoela iragarri zuten Grinerrek eta Johnsonek. Biharamunean, eta ezkondu eta hilabete baino gutxiagora[90], Grinerrek ezkontza baliogabetzea eskatu zuen iruzurra eta derrigortzea aipatuz[90]. Grinerrek ez du lotura biologikorik bikiekin. Johnson in vitro ernalketa tratamenduaren bidez geratu zela haurdun agerrarazi zuten, bere obuluak eta esperma dohaintza erabiliz[91][92]. Bikotearen dibortzioa 2016ko ekainean burutu zen.

Ibilbidearen estatistikak

[aldatu | aldatu iturburu kodea]
† WNBA txapelketa bat irabazi zuen denboraldiak adierazten ditu
double-dagger WNBA errekorraak

WNBA

[aldatu | aldatu iturburu kodea]

Ohiko denboraldia

[aldatu | aldatu iturburu kodea]
Azalpenak
  JP jokatutako partidak   HP  hasieratik jokatutako partidak  M/P  minutuak, partidako
 JS%  jokalekuko saskiratzeen ehunekoa  3P%  hiruko saskiratzeen ehunekoa  JL%  jaurtiketa libreetako saskiratzeen ehunekoa
 ERR  erreboteak, partidako  ASS  asistentziak, partidako  LAP  baloi lapurretak, partidako
 TAP  tapoiak, partidako  GB  galdutako baloiak  PUN  puntuak, partidako
 Letra lodia  bere ibilbideko marka
Urtea Denboraldia JP HP M/P JS% 3P% JL% ERR ASS LAP TAP GB PUN
2013 Phoenix 27 27 25.9 .556 .000 .724 6.3 1.0 0.4 3.0° 1.7 14.5
2014† Phoenix 34 34 30.7 .578 .000 .802 8.0 1.6 0.6 3.7° 1.9 15.6
2015 Phoenix 26 26 30.7 .565 .000 .773 8.1 1.3 0.3 4.0double-dagger 2.1 15.1
2016 Phoenix 34 34 29.2 .548 .000 .831 6.5 1.0 0.3 3.1° 2.0 14.5
2017 Phoenix 26 26 31.5 .577 .000 .812 7.6 1.9 0.6 2.5° 2.4 21.9
2018 Phoenix 34 34 32.6 .544 .250 .800 7.7 2.1 0.5 2.6° 2.3 20.5
2019 Phoenix 31 31 32.8 .564 .333 .808 7.2 2.4 0.7 2.0° 2.4 20.7°
2020 Phoenix 12 12 31.8 .497 .000 .809 7.5 3.0 0.3 1.8 2.5 17.7
Ibilbidea 224 224 30.6 .557 .250 .799 7.4 1.7 0.5 2.9double-dagger 2.2 17.3

Paly-offak

[aldatu | aldatu iturburu kodea]
Urtea Denboraldia JP HP M/P JS% 3P% JL% ERR ASS LAP TAP GB PUN
2013 Phoenix 5 5 26.6 .533 .000 .556 6.4 0.2 0.2 0.8 1.6 10.6
2014† Phoenix 7 7 31.0 .627 .000 .920 6.0 1.6 0.4 3.4° 1.8 16.7
2015 Phoenix 4 4 29.7 .583 .000 .885 8.0 1.3 0.7 4.5° 2.0 16.3
2016 Phoenix 5 5 31.2 .643 .000 .813 6.0 1.6 0.6 2.2 2.2 13.4
2017 Phoenix 5 5 36.8 .407 .000 .795 7.0 2.0 0.6 1.6 2.4 20.2
2018 Phoenix 7 7 36.4 .631 .000 .750 8.0 3.1 0.7 2.2 1.7 21.6
2019 Phoenix 1 1 13.8 .375 .000 .000 3.0 0.0 0.0 1.0 1.0 6.0
Ibilbidea 34 34 31.7 .562 .000 .811 6.8 1.7 0.5 2.4 1.9 16.5

Ikus halaber

[aldatu | aldatu iturburu kodea]
  • NCAA I Division saskibaloi jokalarien zerrenda ibilbideko 5 hirukoitza-bikote edo gehiagorekin
  • 2.500 puntu eta 1.000 errebote dituzten NCAA I. mailako emakumezko saskibaloi jokalarien zerrenda

Erreferentziak

[aldatu | aldatu iturburu kodea]

 

  1. ↑ «Brittney Griner» Official Site of the WNBA.
  2. ↑ "Houston rocket: Nimitz 6–6 sophomore "Brittney Griner is taking off", SI.com, January 16, 2007.
  3. ↑ Brittney Griner. Baylor Women's Basketball Player Bio. Baylorbears.com.
  4. ↑ Longman, Jeré. (March 19, 2013). «Brittney Griner's Final Season Draws Applause and Crowds» The New York Times.
  5. ↑ «Brittney Griner» WNBA.com - Official Site of the WNBA.
  6. ↑ Jeff Fedotin, Griner named nation's no. 1 player Artxibatua 2009-03-04, at the Wayback Machine, Yahoo Sports. 2013-04-19an begiratua.
  7. ↑ McDonald's Girls All-American Teams Announced. Maxpreps.com.
  8. ↑ «Brittney Griner» Team USA.
  9. ↑ Brittney Griner Signs Endorsement Deal with Nike
  10. ↑ a b News, Kaylee Connors/Cronkite (2021-06-21). "Mercury trio named to Olympic roster". Cronkite News - Arizona PBS. 2021-06-22an begiratua..
  11. ↑ «Brittney Griner» USA Basketball April 24, 2017.
  12. ↑ Nelson, Glenn. (June 24, 2008). «Greatness and Griner go hand in hand» ESPNHS HoopGurlz (ESPN).
  13. ↑ Video YouTuben
  14. ↑ a b Campbell, Steve (2009-01-12). "Basketball prodigy's tall tale is no myth". Houston Chronicle. 2017-06-16an begiratua.
  15. ↑ The Baylor Lariat | the official student news source. .
  16. ↑ McLaughlin, Elliot L.. (April 4, 2012). Baylor star center Brittney Griner leads team to 40–0 season, championship. CNN.
  17. ↑ http://www.nfhs.org/recordbook/Records.aspx?CategoryId=1434. National Federation of State High School Associations. 2012-07-01en begiratua.
  18. ↑ "WBCA High School All-America Game Box Scores". Women's Basketball Coaches Association. Originaletik artxibatua 2014-07-15. 2014-06-29an begiratua.
  19. ↑ Brittney Griner Profile. Baylorbears.com.
  20. ↑ Brittney Griner has triple-double, misses 3 dunks. Interbasket.net December 17, 2009.
  21. ↑ Griner Dunks Twice in WBB's 99–18 Win. Baylorbears.com January 2, 2010.
  22. ↑ Video: Brittney Griner dunks twice, Baylor wins by 81. Interbasket.net.
  23. ↑ "Griner punches Barncastle after foul", ESPN.com, March 4, 2010.
  24. ↑ "Baylor Freshman Suspended for Punching Opponent in the Face", AP in The New York Times, March 4, 2010.
  25. ↑ Georgetown Hoyas vs. Baylor Lady Bears – Recap. ESPN March 22, 2010.
  26. ↑ Griner sets NCAA tournament mark for blocked shots. Rivals.yahoo.com March 30, 2010.
  27. ↑ Brittney Griner – WNBA Draft. October 14, 2012.
  28. ↑ a b "Baylor University Sports Information". Baylorbears.com. Originaletik artxibatua 2013-04-30. 2013-04-29an begiratua.
  29. ↑ Hays, Graham. (December 5, 2012). Comfort Zone. espnW.
  30. ↑ "Baylor Bears' Brittney Griner is AP Player of the Year". Espn.go.com. 2012-01-04. 2015-07-28an begiratua.
  31. ↑ John Altavilla, Herald-Mail 2012-04-07an artxibatua, Baylor women top Notre Dame to complete 40–0 season, 2012-04-03an begiratua.
  32. ↑ a b "Griner focused on senior season with champ Baylor". Usatoday.com. 2012-10-15. 2013-03-24an begiratua.
  33. ↑ Game's biggest upset stuns Baylor ESPN. March 31, 2013.
  34. ↑ WNBA – Elena Delle Donne, Chicago Sky knock off Brittney Griner, Phoenix Mercury – ESPN. Espn.go.com May 28, 2013.
  35. ↑ Slow Start, Long Season. Wnba.com.
  36. ↑ Brittney Griner out of WNBA All-Star Game with injury
  37. ↑ Mercury rout Shock behind Brittney Griner's block party
  38. ↑ «Watch Brittney Griner slam down the first dunk in WNBA playoff history» USA Today.
  39. ↑ John Altavilla, Herald-Mail Artxibatua 2012-04-07, gaur artxibatua Baylor women top Notre Dame to complete 40–0 season, 2012-04-03.
  40. ↑ Brittney Griner had a record-setting 11 blocks in the opening game of the WNBA playoffs
  41. ↑ Griner’s Triple-Double Helps Mercury Beat Dream 95–87
  42. ↑ «Griner signs new multiyear deal with Mercury» ESPN.com.
  43. ↑ Brittney Griner scores career-high 38 points to lift Mercury to win over Fever. .
  44. ↑ Griner, Taurasi lead Mercury over Dream 104–95
  45. ↑ Sky pull away late to beat Mercury 94-86
  46. ↑ Mercury's Brittney Griner Leaves WNBA Bubble for Personal Reasons
  47. ↑ ESPN broadcast of UConn v. Baylor, originally aired December 18, 2011.
  48. ↑ https://web.archive.org/web/20120216201120/http://www.usabasketball.com/womens/national/12_woly_21_finalists.html USA Basketball. 2012-02-13. Originaletik artxibatua 2012-02-16an. 2012-02-13an begiratua.
  49. ↑ 2012 U.S. Olympic Women's Basketball Team Roster. USA Basketball April 23, 2012.
  50. ↑ Brittney Griner NBA Tryout? Baylor Star Open To Mavericks Owner's Offer. M.huffpost.com April 6, 2013.
  51. ↑ «Brittney Griner» usab.com (USA Basketball) 10 October 2019.
  52. ↑ «Brittney Griner» olympedia.org 2021-12-09an begiratua(Ingelesez)
  53. ↑ «Brittney Griner» Olympics.com 2021-12-09an begiratua (Gaztelaniaz)
  54. ↑ "Saskibaloia, emakumezkoa, emaitzak 2016" olympedia.org (Ingelesez)
  55. ↑ "Saskibaloia, emakumezkoa, emaitzak 2020" olympedia.org (Ingelesez)
  56. ↑ Brittney Griner Makes 12 Times as Much Money Playing Basketball in China. .
  57. ↑ Brittney Griner Makes 12 Times More Playing In China Than In The United States
  58. ↑ WNBA Players Playing Overseas. .
  59. ↑ Unlikely comrades Diana Taurasi and Brittney Griner play overseas for the money. As it turns out, they also simplify their lives.
  60. ↑ 2016–2017 WNBA Overseas Signings. .
  61. ↑ WNBA Players Playing Overseas
  62. ↑ a b Yolande Lezine, Another Honor For Brittney, 2009-02-17. 2009-02-03an begiratua.
  63. ↑ "PAST HONDA SPORTS AWARD WINNERS FOR BASKETBALL". THE Collegiate Women Sports Awards Program. 2014-05-08an begiratua.
  64. ↑ "Griner Receives Honda Sports Award for WBB". Baylor University Athletics. 2020-03-29an begiratua.
  65. ↑ «Griner Receives Honda Sports Award for WBB» Baylor University Athletics.
  66. ↑ "The Wade Trophy". Women's Basketball Coaches Association. 2014-06-30ean begiratua.
  67. ↑ "USBWA WOMEN'S HONORS". 2015-02-18an begiratua.
  68. ↑ «Brittney Griner AAU Biography» AAU Sports.
  69. ↑ «Brittney Griner - Women's Basketball» Baylor University Athletics.
  70. ↑ «Griner sets NCAA women's mark with 8th dunk» ESPN.com 2012-11-18.
  71. ↑ "Past WBCA HS Coaches' All-America Teams". Women's Basketball Coaches
  72. ↑ a b c (Ingelesez) «WBCA NCAA Division I Defensive Player of the Year» Women's Basketball Coaches Association 2016-02-17 (Noiz kontsultatua: 2021-12-09).
  73. ↑ FIBA Munduko Txapelketako All-Star Five
  74. ↑ «40 Under 40: Brittney Griner Wants Our Kids to Feel Hope» Advocate.com.
  75. ↑ «2014 espnW Impact 25» espnW.
  76. ↑ a b Feinberg, Doug. (April 18, 2013). «Griner, Delle Donne and Diggins dealt with bullies» SI.com.
  77. ↑ «WNBA's Brittney Griner on Being a Gay Athlete: I Felt Like Half of Me Wasn't Accepted» PEOPLE.com.
  78. ↑ ESPN. https://www.amazon.com/ESPN-Magazine-June-Taboo-Issue/dp/B00D52JSXK
  79. ↑ a b c «Owning The Middle» ESPN.com.
  80. ↑ Longman, Jeré. (May 30, 2014). «Life Out Loud: 'In My Skin,' by Brittney Griner» The New York Times.
  81. ↑ a b Galehouse, Maggie (2014-04-04). "Brittney Griner: independent at last". Houston Chronicle.16, 2017-06-16an begiratua..
  82. ↑ Griner, Brittney; Hovey, Sue (2014-04-08). In My Skin: My Life On and Off the Basketball Court. Dey Street Books (HarperCollins). ISBN 9780062309341. 2017-06-16an begiratua.
  83. ↑ Nichols, James (2014-08-15). "Brittney Griner Proposes To Girlfriend Glory Johnson". Huffington Post. 2014-08-15an begiratua.
  84. ↑ Silver, Jake (2014-08-15). http://bleacherreport.com/articles/2164749-wnbas-brittney-griner-gets-engaged-to-former-vols-star-glory-johnson. Bleacher Report. 2014-08-15an begiratua.
  85. ↑ WNBA star Brittney Griner arrested on assault and disorderly conduct. April 23, 2015.
  86. ↑ Mercury's Brittney Griner arrested on assault allegations. Azcentral.com April 23, 2015.
  87. ↑ Former Lady Vol Glory Johnson, WNBA Star Brittney Griner wed on Phoenix mountaintop. .
  88. ↑ «WNBA Wedding! Brittney Griner Marries Glory Johnson» Us Weekly.
  89. ↑ Mather, Victor. (May 15, 2015). «Brittney Griner and Glory Johnson Suspended 7 Games in Domestic Violence Case» The New York Times.
  90. ↑ a b Mather, Victor (2015-05-15). "Brittney Griner and Glory Johnson Suspended 7 Games in Domestic Violence Case". The New York Times. 2015-05-15ean begiratua.
  91. ↑ Brittney Griner’s ex-wife is dating a man
  92. ↑ WNBA’s Glory Johnson FINDS LOVE In 30 Year Old Man Who Still Lives With PARENTS After Divorcing Brittney Griner

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Brittney_Griner&oldid=9955625"(e)tik eskuratuta