FC Dinamo Mosku

Dinamo Moskva
Ezizena(k)	"Txuri-urdinak"
Sorrera	1923
Futbol zelaia	Arena Khimki; edukiera: 18.636 lagun; inaugurazioa: 2008
Presidentea	Pavel Pivovarov
Entrenatzailea	Marcel Lička
Liga	Errusiako futbol liga
2023-24	3.a
Webgunea	Webgune ofiziala

	Etxekoa

	Kanpokoa

Moskuko Spartaken eta aurkako partida elurpean.

Moskuko Dinamo (errusieraz Футбольный клуб Динамо Москва), Moskuko futbol talde bat da, Errusiakoa. Sobietar Batasunaren garaian, MVDri lotua egon zen. Egun, Errusiako Premier Ligan jokatzen du.

Errusiako futbol talderik zaharrena da eta inoiz bigarren mailara jeitsi ez den bakarra, ez Sobietar Ligan ez eta Errusiakoan ere. Hala ere ez du inoiz Errusiako Liga irabazi.

Historia

Dinamoren sustraiak XIX mendean aurkitzen dira, 1887an sorturiko Morozovtsi Orekhovo-Zuevo Moskva taldean hain zuzen ere. Lantegi hortako langileek osatu zuten. XX mende hasieran Moskuko hainbat liga irabazi zituen. 1923an hartu zuen gaur egungo Dinamo izena eta egitura.

Sobietar Batasunaren garaian oso talde oparoa izan zen 11 Liga eta 6 Kopa irabaziz. Europa mailan ez zuen titulurik lortu baina 1972ko Errekoparen finalera iritsi zen. Bartzelonan jokatu zen final hura eta 3-2 galdu zuen Glasgow Rangersen aurka.

Errusiako Liga 1992an abiatu zen eta 1994ko bigarren postua du emaitzarik onena. 1995ean Errusiako futbol kopa irabazi zuen. 2016an 15. postuan gelditu eta historian lehen aldiz maila galdu zuen baina hurrengo urtean gora egin du berriz.

Palmaresa

Sobietar Batasuneko txapelketak: 18

Sobietar Batasuneko Liga (11):
- 1936, 1937, 1940, 1945, 1949, 1954, 1955, 1957, 1959, 1963, 1976
Sobietar Batasuneko Kopa (6):
- 1937, 1953, 1967, 1970, 1977, 1984
Sobietar Batasuneko Superkopa (1):
- 1977