Figaroren ezteiak

Figaroren ezteiak
Irudi gehiago
Jatorria
Sorrera-urtea	1785
Argitaratze-data	1785
Estreinaldi-data	1786ko maiatzaren 1a
Izenburua	Le nozze di Figaro
Ezaugarriak
Genero artistikoa	Opera bufoa eta opera
Hizkuntza	italiera
Zatiak	4 ekitaldi
Telesaila	list of operas by Wolfgang Amadeus Mozart (en)
Egile-eskubideak	jabetza publiko eta jabetza publiko
Deskribapena
Oinarritua	The Marriage of Figaro (en)
Libretista	Lorenzo Da Ponte
Bestelako lanak
Musikagilea	Wolfgang Amadeus Mozart
Fikzioa
ikusi Figaro (en) , Cherubino (en) , Count Almaviva (en) , Marcellina (en) , Bartolo (en) , Basilio (en) , Don Curzio (en) , Barbarina (en) , Q54998783 , Susanna (en) , Countess Rosina Almaviva (en) eta Antonio (en)
Historia
Jasotako sariak	Prix du Brigadier (en)

Figaroren ezteiak (italieraz: Le nozze di Figaro) Wolfgang Amadeus Mozart musikagilearen lau ekitaldiko opera bufo bat da, Lorenzo da Ponteren italierazko libretoa duena. Berez Pierre Augustin Caron de Beaumarchaisen La Folle Journée, ou le Mariage de Figaro antzezlanean oinarrituta dago. 1785 eta 1786 artean idatzia, 1786ko maiatzaren 1ean estreinatu zuten Vienan, Mozartek berak zuzendua.

Mozarten konposiziorik onenetako bat eta musikaren historiako operarik garrantzitsuenetako bat da. Bere garaian kritika asko jaso zituen arren, arrakasta handia lortu zuen antzezpenetan. Obra honekin hasten da Mozarten eta Da Ponteren arteko lankidetza, operaren historiako emankorrenetako bat, zeinetatik generoko hiru maisulan atera ziren: Figaroren ezteiak, Don Giovanni eta Così fan tutte.

Sinopsia

Istorioa Sevillan garatzen da, XVIII. mendearen bigarren erdian, eta Almavivako kondearen jauregian kokatzen da. Rosina bere emazte bihurtu da dagoeneko, kondesa, baina kondea Susanna gaztearen mesedeen bila dabil, Figaroren emaztegaia baita, kondearen morroia. Istorioa korapilatu egiten da Almavivako kondeak jakiten duenean bere morroi Cherubinok interes handia duela kondesarengan, eta, horregatik, aldamenetik kendu nahi du gerrara bidaliz. Figaro, Susanna eta kondesa ados daude kondearen asmoak oztopatzeko eta bere desleialtasuna agerian uzteko. Baina, bitartean, Figaro Bartolo eta Marcellinarekin eztabaidatzen ari da, eta honek Figaro bien semea dela jakiten du. Egunaren amaieran, protagonista guztiak jauregian daude, eta han izaten dira nahasteak, azkenean kondea eta kondesa adiskidetu eta Figaro eta Susanna ezkon daitezkeen arte.

Pertsonaiak

Pertsonaia	Tesitura	Estreinaldiko aktore-multzoa Zuzendaria: Wolfgang Amadeus Mozart
Figaro	baxu-baritono	Francesco Benucci
Susanna	soprano	Ann Storace
Rosina kondesa	soprano	Luisa Laschi
Almavivako kondea	baritono	Stefano Mandini
Cherubino	mezzosoprano	Dorotea Bussani
Marcellina	mezzosoprano	Maria Mandini
Don Bartolo	baxu sakon	Francesco Bussani
Don Basilio	tenore buffo	Michael Kelly
Antonio	baxu buffo	Francesco Bussani
Barbarina	soprano	Anna Gottlieb
Don Curzio	tenore buffo	Michael Kelly
Herritar, saltzaile eta zerbitzariak

Kanpo estekak

• Datuak: Q201873
• Multimedia: Le nozze di Figaro / Q201873