Guido Arezzokoa

Guido Arezzokoa
Irudi gehiago
Bizitza
Jaiotza	Arezzo eta Abbazia di Pomposa (en) , 991/992
Heriotza	Arezzo, c. 1050 (57/58 urte)
Hezkuntza
Hizkuntzak	latina
Irakaslea(k)	Silvestre II.a
Jarduerak
Jarduerak	musikaren teorikoa, musikologoa, musikagilea, asmatzailea, idazlea eta monjea
Santutegia
Irailaren 7
Sinesmenak eta ideologia
Erlijio-ordena	Beneditar

Guido Arezzokoa —Guido d'Arezzo, Guido Monaco eta Guido Pomposiano izenez ere ezaguna— (Arezzo, Toskana, Italia, 991/992 – Avellano, Toskana, Italia, c. 1050) musikako teorizatzailea izan zen.

Bizitza

Beneditar monjea zen, eta kantu irakaslea izan zen Arezzoko katedralean. Musikari buruzko ikerketa ugari egin zituen (horien artean, Micrologus ospetsua, XIV. mendea arte oso zabaldua). Musikako notaziorako metodo bat asmatu zuen, eta belarria hezteko ikasbidea, era horretan entzundako doinua notetan jartzeko eta notak irakurtzeko bide emanez (ordu arte, entzute hutsez ikasten zen gregorianoa).

Musika notazioa

Guido Arezzokoa izan zen notak idaztearen alde azaldu zen lehena, eta Ut queant laxis ereserkia oinarritzat hartuz, nota bakoitzari izen bat eman zion. Noten izenak San Juan Bautistari egindako abesti batetik hartu zituen, kantu honen esaldi bakoitza hexakordo eskalako nota bakoitzarekin hasten baitzen: UT queant laxis / REsonare fibris / MIra tuorum / FAmuli gestorum / SOLve polluti / LAbii reatum / Sancte Johannes.

Sistema XVI. mendearen amaieran osatu zen zazpigarren notarekin, SI. XVII. mendean, bestetik, UT nota DO notagatik ordezkatua izan zen, haren ahoskera errazteko.

Kanpo estekak

• Datuak: Q192238
• Multimedia: Guido of Arezzo / Q192238