Joseph Leonard Goldstein

Joseph Leonard Goldstein
Irudi gehiago
Bizitza
Jaiotza	Kingstree (en) , 1940ko apirilaren 18a (84 urte)
Herrialdea	Ameriketako Estatu Batuak
Hezkuntza
Heziketa	Washington and Lee University (en) University of Texas Southwestern Medical Center (en)
Hizkuntzak	ingelesa
Jarduerak
Jarduerak	genetista, unibertsitateko irakaslea, biokimikaria, biologoa eta medikua
Enplegatzailea(k)	University of Texas System (en)
Jasotako sariak	ikusi Albert Lasker Award for Basic Medical Research  (1985) Medikuntzako Nobel Saria  (1985) Canada Gairdner International Award  (1981) Pfizer Award in Enzyme Chemistry  (1976) Zientzia Domina Nazionala  (1988) Louisa Gross Horwitz Prize  (1984) Albany Medical Center Prize  (2003) ASHG Lifetime Achievement Award  (1985) Keith R. Porter Lecture  (1987) Richard Lounsbery Award  (1979) honorary doctor of the University of Miami  (1996ko maiatzaren 10a) Foreign Member of the Royal Society  (1991ko ekainaren 20a) George M. Kober Medal  (2002) Warren Alpert Foundation Prize  (1999) Heinrich Wieland Prize  (1974)
Kidetza	Royal Society Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia Amerikako Sozietate Filosofikoa

Joseph Leonard Goldstein (Sumter, Hego Carolina, AEB, 1940ko apirilaren 18a) estatubatuar sendagile eta genetista da.

Biografia

Washington eta Leeko unibertsitateetan egin zituen ikasketak, eta Texasko hego-mendebaldeko Unibertsitateko Medikuntza Eskolan eskuratu zuen doktoregoa. 1966. urtetik 1968ra Massachusetts General Hospital erietxean lan egin zuen, eta han ezagutu zuen gerora lankide izan zuen Brown sendagilea.

Erietxeko lana amaitu ondoren Washingtongo Unibertsitateko National Heart Instituten bihotzeko eritasunak izateko arriskua areagotzen duten eragile genetikoei buruzko ikerketak egiten jardun zuen; besteak beste The Metabolic Basis of Inherited Disease (1983, "Eritasun Genetikoen Oinarri Metabolikoa") liburua idatzi zuen.

1972. urtean Texasko Unibertsitatera itzuli zen, eta kolesterolari buruzko garrantzi handiko ikerketak hasi zituen Brownekin batera. 1985ean Medikuntzako Nobel Saria irabazi zuten biek, kolesterolaren metabolismoari buruz eta kolesterolak eragiten dituen eritasunen tratamenduari buruz egindako ikerketengatik. Hain zuzen ere, Goldsteinek eta Brownek aurkitu zuten kolesterola arterietan pilatzen dela, eta horrek bihotzekoa izateko arriskua areagotzen duela; hiperkolesterolemia eritasuna ikertu zuten, eta kolesterolaren maila zelulen gainaldeko LDL-hartzaileek kontrolatzen dutela aurkitu zuten; horrela ondorioztatu zuten kolesterol asko duen dieta batek hartzaile horien kopurua murrizten duela eta bihotzekoa izateko arriskua handitu egiten dela.

Kanpo estekak

• Datuak: Q271424
• Multimedia: Joseph L. Goldstein / Q271424