KF Skënderbeu Korçë

KF Skënderbeu Korçë
Sorrera	1909 (Vllazëria); 1925 (Skënderbeu)
Futbol zelaia	Stadiumi Skenderbeu; edukiera: 10.000 lagun; inaugurazioa: 1957 (2011ean berriztua)
Presidentea	Ardian Takaj
Entrenatzailea	Ivan Gvozdenović
Liga	Albaniako Liga
2023-24	3.a
Webgunea	www.kfskenderbeu.com

	Etxekoa

	Kanpokoa

KF Skënderbeu Korçë (izen osoa albanieraz: Klubi futbollistik Skënderbeu Korçë) Albaniako futbol taldea da, azken urteetan nagusi dena, Korçë hirikoa. Albaniako 7 Liga irabazi ditu, lehenengoa 1933an eta hurrengoak 2011. urtetik aurrera.

Historia

Hilë Mosi politikari eta poetak sortu zuen Vllazëria izenarekin 1909an Korçëko lehen futbol taldea. Ondoren beste hainbat talde sortu ziren, haien artean 1925ean Skënderbeu. 1930an Albaniako liga nagusian hartu zuen parte eta lehenengo garaipena berehala iritsi zitzaion 1933an hain zuzen ere.

Bigarren Mundu Gerraren ondoren apal ibili zen eta sarritan bigarren mailan aritu zen. Hala ere hiru aldiz jokatu zuen Albaniako Koparen finala, 1958, 1965 eta 1976an, baina hiruretan galtzaile atera zen.

2009 urtean Albaniako Superligara igo zen eta "urrezko garaia" hasi zitzaion 2011tik 2016 arteko liga guztiak irabazi baititu. 2018an Kopa eskuratu zuen lehen aldiz.

Urte hauetan Txapeldunen Ligako kanporaketetan aritu da emaitza aipagarririk gabe. 2014ean hirugarren kanporaketa jokatzera iritsi zen baina Shakhter Karagandy kazakhstandarrak kanporatu zuen.