Lance Armstrong

Lance Armstrong
	; (2009) Irudi gehiago
Bizitza
Jaiotzako izen-deiturak	Lance Edward Gunderson
Jaiotza	Plano, 1971ko irailaren 18a (53 urte)
Herrialdea	Ameriketako Estatu Batuak
Familia
Aita	Eddie Charles Gunderson
Ama	Linda Gayle Mooneyham
Bikotekidea(k)	ikusi Tory Burch (mul) ;
Hezkuntza
Heziketa	General William J. Palmer High School (en) ; Plano East Senior High School (en) ; Austin College (en)
Hizkuntzak	ingelesa
Jarduerak
Jarduerak	txirrindularia, autobiografialaria, podcaster (en) eta triatleta
	Parte-hartzailea 2000ko Udako Olinpiar Jokoak ; 1996ko Udako Olinpiar Jokoak ; 1992ko Udako Olinpiar Jokoak ; 2010eko Frantziako Tourra ; 2004ko Frantziako Tourra ; 2009 UCI World Ranking (en) (31.); 2010 UCI World Ranking (en) (60.); 1996 UCI Road World Rankings (en) (9.); 1999 UCI Road World Rankings (en) (7.); 2000 UCI Road World Rankings (en) (4.); 2001 UCI Road World Rankings (en) (4.); 2002 UCI World Road Rankings (en) (2.); 2003 UCI Road World Rankings (en) (8.); Q53844942 (7.); 1994 UCI Road World Cup (en) (6.); 1995 UCI Road World Cup (en) (9.); 1996 UCI Road World Cup (en) (7.); 2002 UCI Road World Cup (en) (13.); 1993 UCI Road World Rankings (en) (21.); 1994 UCI Road World Rankings (en) (25.); 1995 UCI Road World Rankings (en) (15.); Q53844933 (25.); 2005 UCI ProTour (en) (5.) ;
Pisua	71 kilogramo
Altuera	177 zentimetro
Jasotako sariak	ikusi Kiroletako Asturiasko Printzesa Saria (2000) ; Ohorezko Legioko zalduna ; Associated Press Athlete of the Year (2002) ; Associated Press Athlete of the Year (2003) ; Associated Press Athlete of the Year (2004) ; Associated Press Athlete of the Year (2005) ; Urrezko Bizikleta (1999, 2000, 2001, 2003, 2004) ;
Sinesmenak eta ideologia
Erlijioa	ateismoa
Alderdi politikoa	Ameriketako Estatu Batuetako Alderdi Errepublikanoa
	lancearmstrong.com

Lance Armstrong —jaiotza izena: Lance Edward Gunderson— (Austin, Texas, Ameriketako Estatu Batuak, 1971ko irailaren 18a) txirrindulari profesional ohia da. Historiako txirrindulari onenetarikotzat hartzen dute askok, Frantziako Tourra zazpi aldiz jarraian irabazi baitzuen (1999-2005).

1993an, txirrindularitzako munduko txapelketa irabazi zuen. Handik hiru urtera, barrabiletako minbizia aurkitu zioten Galiziako itzulian lehian ari zenean, burura eta gorputzeko beste hainbat tokitara zabalduta zegoena. Hurrengo bi urteetan, kimioterapia tratamendu gogorrak jasan behar izan zituen, azkenik sendatu zen arte. 1998 aldean itzuli zen txirrindularitzara, Paris-Niza lasterketan. Urte hartan, laugarren postua lortu zuen Espainiako Vueltan eta, horrez gain, laugarren izan zen munduko txapelketan.

1999an, haren zuzendari Johan Bruyneelek Frantziako Tourrean lehiatzeko konbentzitu zuen, eta han Armstrong garaile izan zen, sailkapen nagusian arerioak erraz gaindituta. Handik aurrera, pixkanaka bere zerbitzurako gero eta talde lehiakorragoa antolatuz joan zen. Hala, bada, 2003ko mendeurreneko Tourrera faborito nagusitzat iritsi zen, aurreko edizioetan irabazi ostean. Urte hartan, boskarrenez jarraian, Tourreko sailkapen nagusiko garaipena lortu zuen, Miguel Indurainen marka berdinduta. Horrez gain, hurrengo bi urteetako tourretan ere gailendu zen, eta ondoren erretiroa hartu zuen txirrindulari lanbidetik.

2008ko irailaren 8an iragarri zuen hurrengo denboraldian txirrindularitza profesionalera itzuliko zela, minbiziaren aurkako bere fundazioari bultzada emateko eta beste Frantziako Tour bat irabazteko asmoz.^[1] Itzulerako lehenengo denboraldi hartan, Frantziako Tourrean hirugarren bukatzea lortu zuen. Hurrengo denboraldirako, Astana taldea uztea erabaki zuen, eta RadioShack konpainiarekin batera Team RadioShack txirrindulari talde berria sortu.^[2] Aspalditik Lanceren txirrindularitzako zuzendaria zen Johan Bruyneel ere batu zitzaion talde horri, geroago.^[3] 2010eko Tourrean 23. postuan amaitu zuen.

Haren azken lasterketa profesionala, AEBetatik kanpo, 2011ko Tour Down Under izan zen, urtarrilaren 18 eta 23aren artean Australian jokatu zena.^[4]

Hamarkada batean zabaldutako susmoei eta haren kide batzuk egindako salaketei buru emanez —Floyd Landisek, esate baterako, 2010ean salaketa publikoak egin zituen haren aurka—, 2012ko ekainean AEBetako dopinaren aurkako erakundeak (USADA) errendimendua handitzeko gaiak kontsumitzea egotzi zion,^[5] 2009 eta 2010 urteetan hartutako odol laginak oinarri harturik, hala nola beste txirrindulari zenbaiten lekukotasunak. 2012ko abuztuaren 23an egozpen horien aurka ez zuela gehiago borroka egingo iragarri zuen Armstrongek.^[6] Horren ondorio zuzena bide da Lance Armstrong betirako txirrindularitzatik egotzia izatea eta 1988ko abuztuaren 1etik aitzina lorturiko sariak, Frantziako Tourrean irabazitako zazpi tituluak barne, dopatzeagatik galtzea.^[7]^[8]

Ekimen nabarietan lortutako emaitzak

	1993	1994	1995	1996	1997	1998	1999	2000	2001	2002	2003	2004	2005	2006	2007	2008	2009	2010
Italiako Giroa	—	—	—	—	—	—	—	—	—	—	—	—	—	—	—	—	11	—
Frantziako Tourra	UT	UT	36	UT	—	—	1*	1*	1*	1*	1*	1*	1*	—	—	—	3*	22*
Espainiako Vuelta	—	—	—	—	—	4*	—	—	—	—	—	—	—	—	—	—	—	—
Munduko Txapelketa	1	—	—	—	—	4*	—	—	—	—	—	—	—	—	—	—	—	—

Legenda
—	Ez zuen osatu
DSK	Deskalifikatua
UT	Utzi
1*	Ondoren kendua

Aurrekoa
Marco Pantani

Frantziako Tourraren irabazlea
1999, 2000, 2001, 2002, 2003, 2004 eta 2005

Ondorengoa
Óscar Pereiro

Erreferentziak

Wikimedia Commonsen badira fitxategi gehiago, gai hau dutenak: Lance Armstrong

↑ Douglas Brinkley: «Lance Armstrong Rides Again», Vanity Fair, 2008-09-09.
↑ «RadioShack and Lance to Form New Cycling Team in 2010», 2009-07-23.
↑ Brecht Decaluwé: «Bruyneel's year of living stressfully», Cyclingnews.com, 2009-10-27.
↑ Eitb.com: Lance Armstrongen azken etapa^{[Betiko hautsitako esteka]}
↑ Lance Armstrong. (Noiz kontsultatua: 2012-06-30).
↑ [1] Lance Armstrong won't fight USADA charges. ] (Noiz kontsultatua: 2012-08-23).
↑ Lance Armstrong will be banned from cycling by USADA after saying he won’t fight doping charges. The Washington Post 24 August 2012 (Noiz kontsultatua: 24 August 2012).
↑ USADA to ban Armstrong for life, strip Tour titles. CBS News (Noiz kontsultatua: 24 August 2012).

Datuak: Q2172
Multimedia: Lance Armstrong / Q2172

[1] Douglas Brinkley: «Lance Armstrong Rides Again», Vanity Fair, 2008-09-09.

[2] «RadioShack and Lance to Form New Cycling Team in 2010», 2009-07-23.

[3] Brecht Decaluwé: «Bruyneel's year of living stressfully», Cyclingnews.com, 2009-10-27.

[4] Eitb.com: Lance Armstrongen azken etapa^{[Betiko hautsitako esteka]}

[5] Lance Armstrong. (Noiz kontsultatua: 2012-06-30).

[6] [1] Lance Armstrong won't fight USADA charges. ] (Noiz kontsultatua: 2012-08-23).

[7] Lance Armstrong will be banned from cycling by USADA after saying he won’t fight doping charges. The Washington Post 24 August 2012 (Noiz kontsultatua: 24 August 2012).

[8] USADA to ban Armstrong for life, strip Tour titles. CBS News (Noiz kontsultatua: 24 August 2012).

[1]

[2]

[3]

[4]

[5]

[6]

[7]

[8]