Marie-Thérèse-Louise de Savoie-Carignan, Lamballeko printzesa

Marie-Thérèse-Louise de Savoie-Carignan, Lamballeko printzesa
Irudi gehiago
Surintendante de la Maison de la Reine (en) 1775 - 1791 ← baliorik ez - baliorik ez →
Bizitza
Jaiotza	Carignano jauregia, 1749ko irailaren 8a
Herrialdea	Frantzia
Heriotza	Paris, 1792ko irailaren 3a (42 urte)
Heriotza modua	giza hilketa: Lintxamendua
Familia
Aita	Louis Victor, Prince of Carignano
Ama	Landgravine Christine of Hesse-Rotenburg
Ezkontidea(k)	Louis Alexandre de Bourbon, Prince of Lamballe (en)  (1767ko urtarrilaren 31 -
Haurrideak	ikusi Leopoldina of Savoy (en) Eugenio, Count of Villafranca (en) Victor Amadeus II, Prince of Carignano (en) Catherine of Savoy-Carignan (en)
Leinua	Savoiako etxea
Hezkuntza
Hizkuntzak	frantsesa
Jarduerak
Jarduerak	lagun egiteko andrea

Marie-Thérèse-Louise de Savoie-Carignan (Turin 1749 - Paris 1792) Frantziako aristrokrata bat izan zen, Lamballeko printzesa, Mademoiselle de Carignan edo Madame de Lamballe izenekin ezagun izan zena.

Biografia

Savoiako Etxean jaiotako aristokrata, 17 urterekin, 1767an, Louis-Alexandre de Bourbon, Lamballeko printzearekin ezkondu zen. Senarraren Borboi etxeko adarra oso lotua zegoen Frantziako errege-etxearekin (Luis XIV.aren iloba bat zen).

Ezkondu eta gutxira alargundu zelarik, 19 urtekin, Lamballeko printzesa tituluari eutsiz, Versaillesko bizitza politikoan oso inplikatuta jarraitu zuen, eta Marie-Antoinette erreginaren faboritoa izan zen, harik eta jardun horretan Yolande de Polignac-ek ordezkatu zuen. Hala ere, Frantziako Iraultzaren garaian, Marie-Antoniette eta errege-familia arriskuan egon zirenean, oso estuki jarraitu zuen lotuta. Abuztuaren 19an, Lamballeko printzesa, Tourzeloko markesa eta haren alaba Pauline, familia errealetik banandu eta La Forceko kartzelara eraman zituzten han zelda bat partekatzeko.

Lamballeko printzesaren heriotza, panfleto monarkiko batean kontatua.

Atxilotu eta gutxira, Iraileko Sarraskia gertatu zen Parisko espetxeetan, non monarkiaren aldeko preso asko hil zituzten bizpahiru eguneko egoera anarkiko batean, 1792ko iraileko lehen astean. Biktimetako bat Lamballeko printzesa izan zen, zeina halamoduzko epaiketa batera behartu zuten. Atxilo hartu zutenek behartu nahi izan zuten "askatasun eta berdintasunaren alde eta errege-erreginari gorroto ziela zin egitera": lehen zatiari baietz esan zion Lamballek, ez ordea bigarrenari. Espetxetik kalera jaurti zuten, non pika eta metalezko beste arma batzuekin minutu gutxian sastakaturik hil zuten. Gorputzari burua moztu zioten, eta pika batean erakutsi zuten Parisko kaleetan. Gorputzaren beste zati batzuk ere (bihotza, ematokia...), biluztu ondoren, zatikatu eta erakutsi zituztela kontatu zuten beste kontaketa batzuek, ezin baieztatzeko modukoek.

Erreferentziak

• Datuak: Q233210
• Multimedia: Marie Thérèse Louise of Savoy, Princesse de Lamballe / Q233210