Michael Powell
Itxura
Michael Powell (Bakesbourne, Ingalaterra, 1905eko irailaren 30a - 1990eko otsailaren 19a) ingeles antzezlea eta zinemagilea izan zen.
Biografia
[aldatu | aldatu iturburu kodea]Argazkilari-, muntatzaile- eta gidoilari-lanetan aritu zen zuzendari hasi baino lehen. Film laburrak egin zituen 1931 eta 1938 bitartean, Estatu Batuetatik Europako merkatura zabaltzen ari ziren filmei aurre egiteko asmoz.
Bere lehen film luzeak, The Edge of The World (1937, Munduaren ertza), ametsen munduak eta gerra propagandak markatutako zinemagintzari eman zion bidea. Powellena da beldurrezko filmen aitzindaritzat hartzen den Peeping Tom (1960, Izuaren argazkilaria) filma ere.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.