Nickelback

Nickelback
	Nickelback zuzenean 2006an
Datuak
Jatorria	Hanna, Alberta, Kanada
Musika mota	Post-grunge
Urteak	1995 - gaur egun
Produkzioa
Diskoetxea(k)	Roadrunner, Atlantic
Taldekideak
	Chad Kroeger; Ryan Peake; Mike Kroeger; Daniel Adair
Lehengo taldekideak
	Ryan Vikedal; Mitch Guindon; Brandon Kroeger
Sariak
Jasotako sariak	ikusi The Record of the Year ; [[Canada's Walk of Fame (en) ]] (2007) ;
Informazio gehigarria
	http://www.nickelback.com

Nickelback post-grunge musika talde kanadarra da, 1995ean sortutakoa. Albertako Hanna hirian sortu zuten Chad Kroeger, Mike Kroeger, Ryan Peake eta orduan bateriajole zen Brandon Kroegerek (oraingo bateriajolea Daniel Adair da). Gaur egungo post-grunge talde ezagunenetakoa da.

Kanadako talderik ospetsuenetariko bat da, mundu mailan 55 milioi kopia baino gehiago saldu dituelarik. Nickelback, 2000. hamarkadako salmenten zarrendako 11.postuan dago eta AEBtako atzerriko taldeen zerrendan era 2. postuan agertzen da The Beatles-en atzetik.

Taldearen izena, nicklel (txanpon) izenetik dator, izan ere bere anaiak Starbucks kafetegian lan egiten zuen garaian asko erabiltzen zuen hitza "here is your nickel back" esateko, hau da, "hemen duzu zure bueltako txanpona".

Egun, taldeak EMI-rekin (Kanadan) eta Roadrunner Records-ekin gainontzeko lekuetan du kontratua sinatua. 2008.urtean taldeak Live Nation-ekin sinatu zuen euren mundu bira, kontzertu, merchandaising, eta diskoen grabaketen antolakuntzaren ardura hartzeko.

Taldekideak

Gaur egun taldean dirauten kideak:

Chad Kroeger (ahotsa eta gitarra)
Ryan Peake (gitarra)
Mike Kroeger (baxua)
Daniel Adair (bateria)

Taldekidek izandakoak:

Brandon Kroeger bateria (1996-1998)
Ryan Vikedal bateria (1998-2004)

Estiloa

Nickelbacken estiloari dagokionez, ezin dezakegu estilo jakin batean kokatu. Web orrialde batzuen arabera, Rock estiloaren barruan sartzen da talde hau; Grunge estiloaren barruan ere sailkatu dezakegu, heavy metalaren eragina dutelako. Thrash Metalaren barruan ere egon daitezke, Metallica bezalako taldeengandik jasotako eragina dela eta; baita Hard Rock-aren barruan ere.

Historia

1995. urtean sortu zen taldea dugu Nickelback. Izenaren jatorria taldeko kide den Mike Kroegerrek Starbucks kafetegia baten lan egiten zueneko ondorioa da; bezeroei dirua bueltan eman behar zienean, "here's your nickel back" esan behar zien; hau da, hemen duzu zure dirua.

Taldea Hanna herrian sortu zen, Albertan, Kanada, nahiz eta gaur egun Vancouverren, Britainiar Kolunbian, finkatu diren.

Taldearen hastapenetan, Cancon izeneko lege kanadarraren laguntza izan zuten. Lege honen arabera, Kanadako irratietan herrialde horretako musikarien abestiak agertu behar dira, portzentaje jakin batean. Nickelback-en bigarren LP-ak, The State, arrakasta itzela izen zuen eta horren ondoren argitaratutako Silver Side Up izeneko diskoko ""How You Remind Me" single-ak izar bilakatu zituen musikaren munduan.

Bitxikeria moduan, aipatu beharra dago aipatutako Silver Side Up diskoa 2001. urteko irailaren 11an argitaratu zela; egun horretan, taldea Pennsylvanian zegoen, disko berriaren biran, United Airlines konpainiako 93. hegaldiaren atentatua gertatu zen lekutik 15 kilometrora.

Egun, musika talde famatua izaten jarraitzen du, jarraitzaile ugarirekin, bai nagusiak bai gazteak direnak. Azkenengo diskoarekin, 2011an argitaratutako Here and Now, 225000 eta 250000 salmenta bitartean lortu zituzten, astebetean soilik.

Diskografia

Albumak eta EP-ak

Hesher (1995)
Curb (1996)
The State (2000)
Silver side up (2001)
The Long road (2003)
All the right seasons (2005)
Dark horse (2008)
Here and now (2011)
No Fixed Address (2014)
Feed the Machine (2017)
Get Rollin' (2022)

Sariak

2001eko talde nobel onena
Pop talde gustukoena, rock banda eta duoa
Urteko talde
Hot 100 Artist Duo/Group of the Year
"Silver side up"-ekin rock album onena
"How you remind me" diskorik onena
Hero Songwriter of the Year, lau urtez jarraian AEBtan
2002an urteko talde
Juno Fan Choice Award
"Too Bad" bideorik onena eta 2003ko bideo rock onena
"All the Right Reasons Rock" urteko album, pop/rock album gustukoena eta 2006ko rock album onena
2006ko urteko talde
"Photograph" 2006ko rock bideo onena
"Far Away" 2007ko musika saria

Sare sozialak

Esparru honen barruan sare sozial ezberdinak hartuko ditugu kontuan.

Kanpo estekak

(Ingelesez) Nickelbacken webgune ofiziala
(Gaztelaniaz) Nickelback Wikipedia. Retrieved 2012/5/18
(Ingelesez)Nickelback Wikipedia. Retrieved 2012/5/18
Rustin Rose Canadian Rock Titans Nickelback Extend Darkhorse Tour add Buckcherry, Three Days Grace retrieved 2012/5/18
Andrew Leahey Nickelback Retrieved 2012/5/18
CNN Nickelback the hot currency of the moment (2002/6/21). Retrieved 2012/5/18

Datuak: Q483802
Multimedia: Nickelback / Q483802