Xapur II.a

Xapur II.a
	; Irudi gehiago
Sasandar Inperioko errege	; 309 - 379 ; ← Adarnases - Ardashir II (en) →
Sasandar Inperioko errege
Bizitza
Jaiotza	Firuzabad, 309
Heriotza	Bixapur, 379 (69/70 urte)
Familia
Aita	Hormizd II.a
Ama	Ifra Hormizd
Seme-alabak	ikusi Hormizdoukt (en) ; Shapur III (en) ; Zruanduxt (en) ; Saint Govdelaas (en) ;
Haurrideak	ikusi Hormizdoukt (en) ; Hormizd (en) ;
Leinua	Sasandar dinastia
Hezkuntza
Hizkuntzak	Pehleviera
Jarduerak
Jarduerak	subiranoa
Sinesmenak eta ideologia
Erlijioa	Zoroastrismoa

Xapur II.a Handia^[1] (persieraz: شاپور دوم بزرگ‎; 309-379) Sasandar Inperioko xahanxah izan zen 309-379 urteetan.

Bizitza

Hormizd II.aren semea zen. Konstantino I.ak kristautasuna babesten zuen garaian (325), mazdakismo erlijio dualista aldezten zuen Xapur II.ak. Urte berean sinodo nazionala antolatu zuen eta harrezkero erlijio-kutsua hartu zuen ekialdearen eta mendebaldearen arteko borrokak. Persiako kristauek Erroman zituzten babesleak eta, ondorioz, Persiako apezpikuak ezestea agindu zuen erregeak (340-379).

338. urtean Konstantino hil zenean, piztu zen bi erresumen arteko gerra, Armenia konkistatu nahi baitzuten. Xapur II.ak Nisibis hiria setiatu zuen 340. urtean eta bere mendeko erregea izendatu zuen Konstantzio II.a enperadorearekin bake-hitzarmena sinatu ondoren. Hala ere gerra piztu zen berriro ere, eta 363. urtean Juliano enperadore erromatarra Persian barneratu zen Ktesifoneraino, baina hil egin zen gudu batean. Haren ondorengo Jovianok bakea sinatu zuen Xapurrekin, eta Persiari itzuli zizkion Dioklezianok eta Galeriok Mesopotamiako ipar-ekialdean konkistatu zituzten bost probintziak.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.