Especii

Esti artícalu es un encetu Si te apeta, pueis enlial-ti a trebajal en él, precurandu más información i amejorandu lo escritu.

En taxonomía, se denomina especii (del latín species) a la unidá básica de crasificación biológica. Una especii es un conjuntu de organismus o puebracionis naturalis capazis de entricruçalsi i produzil descendencia fértil, anque —en prencipiu— nu con miembrus de puebracionis pertenecientis a otras especis. En muchus casus los endividus que se separan de la puebración original i se aíslan del restu puein arcançal una diferenciación sufizienti cumu pa convertilsi en una nueva especii, pol tantu, el aislamientu reprodutivu respetu de otras puebracionis es cruzial. En definitiva, una especii es un grupu de organismus reprodutivamenti homogéneu, anque mu cambianti a lo largu del tiempu i el espaciu.

Los nombris comunis delas prantas i los animalis correspondin argunas vezis con su respetiva especii biológica (por ejemplu, «león», «morsa» i «árbol del alcanfor»), peru con mucha frecuencia nu es así: pol ejemplu, la parabra patu se refieri a una veintena de especis de divelsus génerus, cumu el patu domésticu. Pol ellu, pala denominación delas espezis se gasta la nomenclatura binomial, meyianti la qual ca especii quea inequívocamenti definia con dus parabras —pol ejemplu Homo sapiens, la especii umana—. En esta nomenclatura, el primel términu correspondi al géneru: el rangu taxonómicu superiol nel que se puein agrupal las espezis.