Tecnología
La tecnología es la céncia aplicá a la resolución de problemas concretus. Constituyi un conjuntu de conocimientus científicamenti ordenaus, que permitin diseñal y crial bienis o servicius que facilitan l'adaptación al meyu ambienti y la satisfación las necesidáis esencialis y los deseus l'umanidá. Es una palabra d'origin griegu, τεχνολογία, formá por téchnē (τέχνη, arti, técnica u oficiu, que puei sel traducíu comu destreza) y logía (λογία, el estudiu d'argu).
Manqui ain una hartá tecnologías mu diferentis entri sí, es frecuenti usal el términu tecnología en singular pa referilsi al conjuntu de toäs, o tamién a una d'ellas. La palabra tecnología tamién se puei referil a la disciplina teórica qu'estudia los saberis comunis a toïtas las tecnologías, y en argunus contextus, a l'educación tecnológica, la disciplina escolar abocá a la familiarización con las tecnologías más importantis.
La actividá tecnológica influyi en el progresu social y económicu, peru si la su aplicación es meramenti comercial, puei orientalsi a satisfacel los deseus los más prósperos (consumismu) y no a resolvel las necesidáis esencialis de los más necesitaus. Esti enfoqui puei incentival un usu no sostenibli del meyu ambienti. Ciertas tecnologías umanas, pol su usu intensivu, directu o indirectu, de la biosfera, son causa prencipal del crecienti agotamientu y degradación de los recursus naturalis del praneta.
Sin embargu, la tecnología tamién puei sel usá pa protegel el meyu ambienti, buscandu solucionis innovadoras y eficientis pa resolvel de forma sostenibli las crecientis necesidáis la sociedá, sin provocal un agotamientu o degradación de los recursus materialis y energéticus del praneta o aumental las desigualdáis socialis. Ciertas tecnologías umanas án llevau a un avanci descomunal en los estándaris y calidá de vía de billonis de personas en el praneta, lograndu simultáneamenti una mejor conservación del meyu ambienti.
La tecnología engloba a tó conjuntu d'acionis sistemáticas cuyu destinu es la transformación de las cosas, es izil, su finalidá es sabel hazel y sabel por qué se hazi.[1]
Actualmenti ai una era tecnológica, etapa histórica dominá pola produción de bienis y pola su comercialización, en la qu'el factor nirgía tié un papel primordial.[1] Toä la actividá centíficu-técnica gravita permanentementi sobri el bienestar umanu, sobri el progresu social y económicu de los pueblus y sobri el meyu ambienti dondi se manifiesta la actividá industrial.[1]
Guípesi tamién
[Edital | Editá'l códigu]Huentis
[Edital | Editá'l códigu]Referéncias
[Edital | Editá'l códigu]- ↑ 1,0 1,1 1,2 "Tecnología industrial II". (2014). ISBN 9788424190538 Capítulo: Presentación, página: 3
Bibliografía
[Edital | Editá'l códigu]- Álvarez, Charo; Reflexiones en torno a la participación de las mujeres en la ciencia y la tecnología. Artículo de referencia: Ciencia, Tecnología y Género; Marta I. González García y Eulalia Pérez Sedeño; http://www.uv.es/~reguera/etica/genero-ciencia.htm
- Arregui Noguer , Beatriz ; Sabaté Grau, Xavier (coord.) (2004) Tecnología y discapacidad visual : necesidades tecnológicas y aplicaciones en la vida diaria de las personas con ceguera y discapacidad visual. Madrid: ONCE, Consejo General. ISBN 84-484-0125-5
- Bernal, John D.; Historia social de la ciencia 1. La ciencia en la historia; Ediciones Península; Barcelona (España); 1967.
- Bernal, John D.; Historia social de la ciencia 2. La ciencia en nuestro tiempo; Ediciones Península; Barcelona (España); 1967.
Atijus
[Edital | Editá'l códigu]
En Commons ai conteníu multimedia sobre Tecnología.- Acepcionis de tecnología en Argentina.
