Pjotr Iljitsch Tschaikowski

Tekst üüb Fering

Pjotr Iljitsch Tschaikowski (üüb Rüs: Пётр Ильи́ч Чайко́вский Pjotr Il’ič Čajkovskij; * 25. April^jul./ 7. Mei^greg. 1840 uun Kamsko-Wotkinski Sawod, Guwernement Wjatka, Rüs Keiserrik; † 25. Oktuuber^jul./ 6. Nofember^greg. 1893 uun Sankt Petersburg, Rüs Keiserrik) wiar en rüs komponist. Al uun sin leewenstidjen wurd föl faan sin werken internatschunaal bekäänd. Daaling teenk a lidj, dat hi de bedüüdenst komponist faan't Romantik as an uun Rüslun teenk a lidj, dat hi de bedüüdenst komponist faan det 19. juarhunert as. Tu sin bekäändst kompositchuunen san trii letst sinfoonien, at Fijoolkonsert, sin iarst Klawiarkonsert, at Uwertüür 1812 an sin ooper Eugen Onegin. Mä Swaanensia, Tuurnrüüske an a Nödkraker skreew hi uk trii faan dön bekäändst baleten uun a histoore faan't musik.