Çoncolan

Çoncolan
Altris nons:	Zoncolan (talian)
Stât:	Italie
Provincie:	Udin
Altitudin:	1.750 m s.n.m
Cjadene:	Alps Cjargnelis

Il Çoncolan e je une mont logade in Cjargne, tai comuns di Ravasclêt, Sudri e Davâr. E je alte 1.750 m. Une volte insomp si à une viste bielone su cuasi dute la Cjargne: a si puedin ricognossi lis cimis de Crete di Seregnò (2.187 m), Colians (2.780 m), Peralbe (2.691 m), i cjanâi de Bût, dal Dean e di Peteç e lis Dolomitis di Pedarç.

Schi

Sul Çoncolan al si cjate il plui grant centri schiistic di dute la regjon, ch'al à fât di Ravasclêt, e in part ancje di Sudri, impuartantis localitâts di sports invernâi. Dal 2006 a son stâts fâts gnûfs impiants di risalide ch'a permetin di rezonzi i 1.970 m de mont Tamai.

Ciclisim

Di cualchi an la mont e je deventade une impuartante mete pai cicliscj, ch'a vegnin sù sedi pe strade di Sudri che par chê di Davâr. E propite in graciis de grande pendence de strade, la salide de bande di Davâr e je, a dite di tancj di lôr, la plui dure di dutis lis Alps: in 8 km e va sù par 1.055 m, cuntune pendence medie dal 13% (ma con pontis ancje dal 20%).

Ai 30 di Mai dal 2007 il Giro d'Italia al è passât su pal Çoncolan, de bande di Davâr, cun la vitorie di Gilberto Simoni; il Giro al jere za passât tal 2003 de bande di Sudri, simpri cun la vitorie di Gilberto Simoni.

Galarie fotografiche

• 
  Viodude su la Val Pontaibe dal Çoncolan
• 
  La cime dal Çoncolan
• 
  Implants di segjovie par la su e ju