Vai al contenuto

Cosean

De Vichipedie, la enciclopedie libare dute in marilenghe.


Cosean
Non uficiâl par talianCoseano
PartFriûl di Mieç
Coordenadis gjeografichis46°06′00″N 13°01′00″E / 46.10000°N 13.01667°E / 46.10000; 13.01667
Superficie23,8 km²
Popolazion2014 (2024) ab.
Densitât84,62 ab/km²
FrazionsBaracêt, Cjiscjerne, Coseanet (localitât), Maseriis, Nearêt
Comuns confinantsDignan, Flaiban, Merêt di Tombe, Rivis Darcjan, San Vît di Feagne, Sedean
CAP33030
Prefìs telefonic0432
Coseanet, Glesie di Sant Bortolomiu

Cosean al è un comun intal Friûl di Mieç e al à 2.014 abitants (al 1n di Zenâr 2024[1]). Tal 1866 al è stât l'unic comun di dut il "Venit" (teritori austriac che al cjapave dentri il Friûl e il Venit di vuê) cun 25 vôts contrariis ae anession a la Italie, su 36 vôts contrariis in dut il Friûl (i "sì" a son stâts 144 mil; intal comun di Cosean a son stâts 219[2]), par cheste reson al è clamât ancjemò vuê "Cosean dal no"[3]. Intes frazions però si veve votât "sì"[4].

Storie

[cambie | modifiche il codiç]

Il non Cosean, di divignince romane (< Caucilianus) al è di ete republicane o protoimperiâl e duncje une vore antic[5]; inte forme Cosano, Coselano, Coseglano si lu cjate za dal sec. XI d.d.C.[5]; chel di Coseanet intes formis Coselaneto, Cosiglaneto o Coseglanetto dal sec. XIV d.d.C.[6]

Il comun di Cosean al fo istituît in cheste forme dal 1n di Zenâr dal 1819 dal Guviêr austriac des Provincis Venitis (decret 106 dai 8 di Lui dal 1818)[7]; il stes Guviêr, trê agns prin (decret dai 30 di Novembar dal 1815 cun validitât dal Zenâr 1816[8]; plui tart ancje cun at n° 55 dai 4 di Avrîl 1816[9]), al veve incorporât Coseanet, Cosean e Maseriis tal comun di Dignan; Baracêt, Cjiscjerne e Nearêt ta chel di Flaiban.

Intal Ream di Italie napoleonic, i paîs che in dì di vuê a formin il comun di Cosean, che prin a jerin stâts comuns autonoms, tacant dal 1n di Zenâr dal 1811 a vignirin incorporâts intal Comun di Nearêt (formât di Nearêt, Baracet, Coseanet, Cosean, ma ancje di Flaiban, San Durì e Savalons) e di Dignan (formât di Dignan, Bunzic, Cjarpât, Vidulis, Cjiscjerne e Maseriis)[10].

Sports

[cambie | modifiche il codiç]

A.S.D. G.S. Coseano e je la scuadre di balon dal comun, e je une Societàt privade, il sô president al è Stefano Di Bidino.

Culture

[cambie | modifiche il codiç]

Dal 2000, ogni prime domenie di Jugn pes viis dal paîs e je une mostre internazionâl di piture clamade Premio Arte Coseano, che e à vût tant che testimonials artiscj impuartants, furlans e no, come Ulderica Da Pozzo (2016) e Carlo Balljana (2017)[11].

Dal 1982 a Cosean al è atîf un côr (clamât fin al 2014 Nuova Corale di Coseano, cumò Coro Musiche d'inCanto), che tai agns al à fat concierts no dome in Friûl, ma in dute la Italie dal Nord e centrâl sicu in altris paîs di Europe.

Socjis

[cambie | modifiche il codiç]

A Cosean e esist dal 1962 la Sezione Donatori di Sangue di Coseano (za fondade doi agns prin a Nearêt cul non di Associazione Donatori di Sangue)[12].

Aministrazion

[cambie | modifiche il codiç]

Il comun di Cosean al fâs part de Comunitât Culinâr dal Friûl.

Zimulaçs

[cambie | modifiche il codiç]
  • Finale Ligure (SV, Italie), dal 2000.
  • Aubiac (Lot-et-Garonne, France), dal 2016.

Notis

[cambie | modifiche il codiç]
  1. ↑ Dâts Istat, cf. https://demo.istat.it/app/?i=POS&l=it cjalât ai 26 di Mai dal 2024.
  2. ↑ Cf. "Il plebiscito in Friuli. Risultati delle votazioni pel Plebiscito nella Provincia di Udine", in: Giornale di Udine I, 47 (26 di Otubar 1866), [s.p., ma 2].
  3. ↑ Cf. Marcato, Carla/Puntin, Maurizio (2008): Etnici e blasoni popolari nel Friuli storico, Udine: Società Filologica Friulana [Biblioteca di Studi linguistici e filologici 9], 49.
  4. ↑ Cf. Colledani, Gianni (2017): "Cosean dal no", Sot la nape LXIX/1, 54.
  5. ↑ 5,0 5,1 Cf. Cinausero Hofer, Barbara/Dentesano, Ermanno (2011), Dizionario toponomastico. Etimologia, corografia, citazioni storiche, bibliografia dei nomi di luogo del Friuli storico e della provincia di Trieste, Udine: Ribis, s.v., 300.
  6. ↑ Cf. Cinausero Hofer, Barbara/Dentesano, Ermanno (2011), Dizionario toponomastico. Etimologia, corografia, citazioni storiche, bibliografia dei nomi di luogo del Friuli storico e della provincia di Trieste, Udine: Ribis, s.v., 299.
  7. ↑ Decret 106 Compartimento Territoriale delle Provincie Venete approvato da S.M., publicât in Collezione di leggi e regolamenti pubblicati dall'Imp. Regio Governo delle Provincie Venete, vol. 5/2, 1818, Venezia: Andreola, 5-92, cf. p. 79.
  8. ↑ Decret 122 Compartimento territoriale delle Provincie Venete, publicât inte Collezione di leggi e regolamenti pubblicati dall'Imp. Regio Governo delle Provincie Venete, vol. 2, 1815, Venezia: Andreola, 141-204, cf. p. 192.
  9. ↑ Decret 55 Attivazione di un nuovo Compartimento Territoriale, publicât in Collezione di leggi e regolamenti pubblicati dall'Imp. Regio Governo delle Provincie Venete, vol. 3/1, 1816, Venezia: Andreola, 241-295, cf. p. 286.
  10. ↑ Cf. Compartimento territoriale del dipartimento di Passariano da attivarsi pel Primo Gennajo 1811, Udin, Pecile, s.d., publicât in Corbellini, Roberta/Cerno, Laura/Sava, Carla (p. cure di), Il Friuli nel 1807. Dipartimento di Passariano, Udin: Società Filologica Friulana, 617-649, pp. 625-626. Viôt ancje: Pezzetta, Olivo (2009), Piccola storia del comune di Coseano, Coseano: Comune di Coseano, pp. 28-29.
  11. ↑ Cf. https://web.archive.org/web/20180820001522/http://premio-arte-coseano.com/?page_id=1913, cjalât ai 20 di Jugn dal 2017.
  12. ↑ Pezzetta, Olivo (2009), Piccola storia del comune di Coseano, Coseano: Comune di Coseano, p. 55.

Leams

[cambie | modifiche il codiç]

(talian) Sît uficiâl dal comun di Cosean.

Cjapât fûr di https://fur.wikipedia.org/w/index.php?title=Cosean&oldid=174545