Midseumer Môlnkoier
De Midseumer Môlnkoier (Biltsk foar "Midsimmer Molekuier") is in kuiertocht dy't elts jier yn 'e simmer holden wurdt op it Bilt,[1][2] dat sûnt 2018 in diel fan 'e gemeente De Waadhoeke foarmet. De namme komt fan it feit dat de opbringst fan 'e tocht bestege wurdt oant it ûnderhâld fan 'e monumintale Froubuorstermole,[1][2] dat de lêste wurkjende histoaryske mole op it Bilt is.[2] Dy mole is ek it begjin- en einpunt fan 'e kuiertocht.[2]
| Midseumer Môlnkoier | ||
| plak en tiid | ||
| lân |  Nederlân
| |
| provinsje |  Fryslân
| |
| gemeente |  De Waadhoeke
| |
| plak |  It Bilt
| |
| tiid fan it jier | simmer | |
| bysûnderheden | ||
| soarte evenemint | kuiertocht | |
| bestean | 2016 – no | |
| offisjele webside | ||
| www.demolenloop.nl | ||
It evenemint waard foar it earst organisearre yn 2016.[1] Yn 2020 gie it oer omreden fan 'e koroanafiruspandemy.[1][2] Sadwaande fûn op 3 july 2021 de fyfde edysje fan 'e tocht plak.[1][2] Om dat mooglik te meitsjen, wiene likernôch hûndert frijwilligers yn 't spier.[2] It evenemint wurdt sponsore troch pleatslike ûndernimmers.[2]
De Midseumer Môlnkoier liedt de kuierders troch de agraryske plattelânsgebieten[1][2] fan It Bilt en hjir en dêr ek fan 'e eardere buorgemeenten[1] Ferwerderadiel (no Noardeast-Fryslân) en Ljouwerteradiel (no Ljouwert).[2] De tocht kin ferrûn wurde oer ôfstannen fan 12, 22 en 30 kilometer.[1][2] Behalven fan it lânskip kinne de kuierders ek genietsje fan ferskate optredens dêr't de tocht by lâns fiert.[2] Fierders wurdt ûnderweis iten en drinken útdield.[2]
Keppelings om utens
bewurkje seksje| Boarnen, noaten en/as referinsjes: |
|