Fuil

Fuil

Sonraí
Laidin	sanguis
Cuid de	córas imsruthaithe
Aitheantóirí
MeSH	D001769
TA	A12.0.00.009
FMA	9670 : il-aiseach – ordlathach
Acmhainní seachtracha
EB Online	science/blood-biochemistry
Téarmaíocht anatamaíoch

Leacht speisialtaithe de chuid na colainne is ea an fhuil. Soláthraíonn sí ábhar riachtanach – ocsaigin (O₂) agus cothaithigh – do chealla na colainne, agus iompraíonn sí fuíolltáirgí meitibileacha ó na cealla seo go dtí na baill eisfheartha: na duáin, an t-ae, na scamhóga agus an stéig. Lánaíonn sí roinnt fheidhmeanna eile chomh maith: iompraíonn sí na hormóin timpeall na colainne, agus tá páirt láidir aici i gcosaint na colainne ó ionfhabhtú.

Comhdhéanamh na fola idir plasma, cealla fola dearga agus cealla fola bána agus plátíní

Tá trí chomhpháirt san fhuil: na fuilchealla dearga, a iompraíonn ocsaigin; na fuilchealla bána, a chosnaíonn an cholainn ó ionfhabhtú, maraon leis na pláitíní, a chneasaíonn gránuithe agus créachtaí; agus an plasma, leacht a iompraíonn na cealla fola agus ina dtuaslagaíonn na substainte iompartha eile.

Sna daoine fásta, is sa smior a chruthaítear na fuilchealla nua, i bpróiseas ar a dtugtar fuilghiniúint.

Úsáidtear an focal céanna fuil i nGaeilge na hAlban.

Sna Logainmneacha

• Cnoc Fola i gContae Dhún na nGall
• Tuar na Fola, paróiste i gContae Luimnigh
• Corr na Fola, baile fearainn i gContae Ros Comáin
• Bruach na Fola i mBré i gContae Chill Mhantáin
• Doire na Fola, baile fearainn i gCill Cháscáin i mBéarra
• Páirc na Fola i nGaeltacht Chorca Dhuibhne

Féach freisin

• Dracula