Léigiún Coigríochach na Fraince

Léigiún Coigríochach na Fraince

(fr) Légion étrangère
Mana	Legio patria nostra
Aintiún	Le Boudin
Sonraí
Cineál	major military unit (en) elite unit (en) léigiún coigríochach volunteer military (en) brainse míleata military legion (en)
Stair
Dáta a bunaíodh	10 Márta 1831
Bunaitheoir(í)	Louis-Philippe I
Rialachas corparáideach
Ceanncheathrú	Aubagne, An Fhrainc
Stiúrthóir/bainisteoir	Jean Maurin (en) Paul-Frédéric Rollet (en)
Líon fostaithe	7,699
Máthaireagraíocht	Arm na Fraince
Codanna	French foreign legionnaire (en)
Cuid de	Fórsaí Armtha na Fraince Arm na Fraince
Suíomh gréasáin	https://www.legion-etrangere.com/
WD Bosca Sonraí Foirgneamh Aubagne Sonraí Cineál Común de chuid na Fraince Tréith Achar dromchla 54.9 km² Airde os cionn na farraige 101 m 74 m 701 m  43° 17′ 27″ N, 5° 34′ 15″ E Suíomh gréasáin oifigiúil aubagne.fr

Saighdiúirí ón Légion Étrangère

Aonad míleata de chuid fhórsaí armtha na Fraince é Léigiún Coigríochach na Fraince (Fraincis: Légion Étrangère) a bunaíodh thiar sa bhliain 1831 agus a fháiltíonn isteach earcaigh choimhthíocha ar mhaith leo dul ar fiannas in Arm na Fraince agus cath a chur ar son na Fraince. Ní chuireann an Léigiún na saoránaigh Fhrancacha ó dhoras ach an oiread, agus sa bhliain 2007, ba Francaigh iad 24% de na hearcaigh nua, is é sin, fear as gach ceathrar, beagnach.

Inniu, glactar leis an Léigiún mar aonad scothaicme. Tagann na saighdiúirí as tíortha éagsúla nach ionann iad ó thaobh an chultúir de, agus mar sin caithfear oiliúint ar leith a chur orthu a bhfuil an-strus idir chorpartha agus síceach ag baint léi, le spiorad comhair a spreagadh i measc na saighdiúirí.

Ba é an Rí Louis Philippe a chuir tús leis an Léigiún ar an 10 Máirt 1831. Ba é ba chúis le bunú an Léigiúin nach raibh cead fiannais ag na heachtrannaigh in Arm na Fraince i ndiaidh réabhlóid na bliana 1830. Tháinig an Léigiún chun saoil le go bhféadfadh an rí teacht timpeall ar an gcosc seo. Bhí cúis eile ann fós: bhí réabhlóidithe teipthe ó thíortha eile ag tarraingt trioblóide, agus na húdaráis Fhrancacha den bharúil go rachadh sé chun leasa don tsochaí go léir dá mbeadh ruagairí reatha den chineál sin sásta dul sa Léigiún.

Cuireadh an Léigiún ar garastún san Ailgéir, agus ba í sin "tír dhúchais" an Léigiúin go ceann 160 bliain, rud a d'fhág a shliocht ar an aonad. Bhí an saol an-chrua sna chéad bhlianta sin, agus iad á gcur sa drocháit ba mheasa amuigh.