Partido Sindicalista
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
O Partido Sindicalista foi un partido político español creado en 1932 polo que fora varias veces secretario nacional da CNT, Ángel Pestaña, pertencente ao sector moderado do anarcosindicalismo.
| Partido Sindicalista | |
|---|---|
 | |
 | |
| Tipo | partido político español |
| Ideoloxía | anarquismo |
| Data de fundación | 1932 |
| Data de disolución | 1985 |
| País | España |
| [ editar datos en Wikidata ] | |
Historia e características
editarPestaña era partidario de construír un movemento obreiro sólido, cun partido que se convertese nunha especie de representante político da CNT. Tamén defendía a formación de alianzas obreiras con outros sindicatos e dunha coalición electoral de todas as esquerdas para frear o fascismo.
O Partido Sindicalista tiña a maioría dos seus militantes en Cataluña, Madrid, Andalucía, Aragón e Valencia. Nas eleccións de 1936 obtivo dous deputados no seo da Fronte popular. Ao inicio da guerra civil, momento no que contaba uns 30.000 militantes, o partido organizou as súas propias milicias. Pero logo da renuncia de Pestaña por motivos de saúde a fins de 1936 o partido case deixou de actuar.
O Partido Sindicalista en Galicia
editarMalia contar xa con figuras illadas dende o comezo da súa andaina, a acción do Partido Sindicalista en Galiza naceu oficialmente a comezos de 1934 coa constitución da agrupación local da Coruña que editou o periódico Trabajo. Entre os seus membros estaban Manuel Fernández, Silvio Santiago e Leandro Carré Brandariz. Pero a organización máis influente era a de Santiago de Compostela, dirixida por Marcial Villamor, e que controlaba a maioría da CNT local.
O Partido Sindicalista integrouse na Fronte Popular, malia non conseguir meter ningún candidato nas listas da coalición en Galiza. O Partido Sindicalista, contrariamente á maioría do anarquismo galego, indiferente ou contrario ao autonomismo, fixo campaña a prol do Estatuto de Autonomía de 1936.