Seamus Heaney

Seamus Heaney, nado o 13 de abril de 1939 en Derry (Irlanda do Norte) e finado en Dublín o 30 de agosto de 2013 foi un escritor irlandés. En 1995 foi galardoado co Premio Nobel de Literatura.

Seamus Heaney

Seamus Heaney dirixíndose ao colexio de avogados na Universidade de Dublin no 2009
Nome orixinal	(en) Seamus Heaney
Biografía
Nacemento	13 de abril de 1939 Derry, Irlanda do Norte
Morte	30 de agosto de 2013 (85 anos) Dublín, Irlanda
Causa da morte	ictus
Relixión	Catolicismo
Educación	St Columb's College Queen's University of Belfast (pt) Bates College
Actividade
Campo de traballo	Poesía
Ocupación	dramaturgo, escritor, profesor universitario, actor, poeta, tradutor, lingüista, autor
Período de actividade	1966 -
Empregador	Universidade Harvard Universidade de California, Berkeley
Membro de	Academia Europaea (2008–) Aosdána (1997–) Academia das Artes e das Ciencias dos Estados Unidos (1993–) Royal Irish Academy (en) Real Sociedade de Literatura
Xénero artístico	Poesía
Influencias	Dante Alighieri, Derek Mahon (pt) , Wilfred Owen, Robert Frost, Virxilio, John Montague, John Millington Synge, Herbert McCabe, William Butler Yeats, Thomas Stearns Eliot, William Wordsworth, Geoffrey Chaucer, Patrick Kavanagh (en) , Lord Byron, Rainer Maria Rilke, Samuel Palmer (pt) , William Shakespeare, John Keats e Czesław Miłosz
Obra
Obras destacables (1966) Death of a Naturalist (en) (2006) District and Circle (en) (2010) Human Chain (en)
Arquivos en	Leeds University Library (en) [ BC MS 20c Heaney] Stuart A. Rose Manuscript, Archives, and Rare Book Library (en) British Library University of Liverpool Library (en)
Familia
Cónxuxe	Marie Devlin
Pais	Patrick Heaney   e Margaret Kathleen McCann
Premios
(2012)  Premio AWB Vincent Literary../... 43+
Sinatura
Descrito pola fonte	Obálky knih, Seamus Heaney: An Introduction (en)

Traxectoria

En 1957 marchou a Belfast para estudar literatura na Queen’s University, onde impartiu clases entre 1966 e 1972 antes de dedicarse plenamente á literatura. Heaney, católico irlandés, afectado pola violencia entre católicos e protestantes no Ulster, decidiu trasladarse a Dublín en 1972. No Carysfort College desta cidade impartiu clases entre 1975 e 1980. Obtivo unha cátedra na Universidade Harvard (Massachusetts) en 1984, e entre 1989 e 1994 foi catedrático de Poesía na Universidade de Oxford (Inglaterra).

No ano 2000 foi investido Doutor Honoris causa pola Universidade da Coruña.

Obra

A poesía de Heaney, desde os seus comezos en Death of a naturalist (1966), estivo ancorada nos contextos físicos e rurais da súa infancia. A medida que se desenvolve a súa obra, eses escenarios convértense no foco dunha busca arqueolóxica dos mitos e historias que contribuíron a configurar a violenta situación política de Irlanda do Norte, que só tratou abertamente en North (1975). A obra de Heaney mostra unha gran flexibilidade rítmica, pero é sobre todo a intensidade do seu linguaxe, que contrasta co silencio da xentes que describe, o que a fixo famosa. Outros libros seus son: Door into the Dark (1969), Wintering Out (1972), Traballo de campo (1979) (traducido ao galego por Vicente Araguas en 1996), Station Island (1984), The Haw Lantern (1987), Seeing Things (1991), The Spirit Level (1996, premio Whitbread), Electric Light (2001). Seamus publicou en 2000 unha tradución ao inglés moderno do poema épico anglosaxón Beowulf que se converteu nun best-séller no Reino Unido e nos Estados Unidos, e pola que recibiu novamente o premio Whitbread. En galego tamén está traducida a obra teatral A cura en Troia: versión do Filoctetes de Sófocles.

Tamén escribiu diversos ensaios de crítica literaria: Preoccupations: Selected Prose 1968–1978 (1980) e The Government of the Tongue (1988). Recibiu o Premio Nobel de Literatura en 1995.