Xoán Bernárdez Vilar

Xoán Bernárdez Vilar (Marín, 5 de abril de 1936) é un escritor, historiador e ensaísta galego.

Biografía

Nacido en Marín en 1936, aos dez anos trasládase a Vigo, onde fai o Bacharelato. Estuda Maxisterio na Escola Normal de Pontevedra. En 1957 convértese en Auxiliar Administrativo da "Caja de Ahorros y Monte de Piedad Municipal de Vigo", hoxe Caixanova.

Colaborou no programa de radio Raíz e Tempo (primeiro programa en galego despois da Guerra Civil) de La Voz de Vigo (1965-1975), continou en Radio Ecca, tamén como guionista histórico. Dirixiu dúas revistas, Galicia Social e Latexo.

Foi asesor histórico da serie da TVG "Terras de Merlín", e publica en múltiples revistas como a do Instituto de Estudos Miñoranos, Encrucillada, Agalia, etc. Publicou tamén contos. É tradutor de galego, castelán, inglés, francés e latín. Actualmente traballa na súa tese de doutoramento relacionada coa Ora Marítima de Rufius Festus Avienus.

Obras

Narrativa

• Un home de Vilameán: anatomía da revolución Irmandiña, 1976 (premio do "Padroado da Cultura Galega de Montevideo").
• ¡Ouveade, naves de Tarsish, 1983.
• Homo sapiensm, 1984 (accésit do premio "Premio Modesto R. Figueiredo do Pedrón de Ouro").
• Vento do norte, Vento do sul, 1985 (premio "Casa Galicia de León")
• No ano do cometa, 1986 (premio Xerais).
• ¡Xerusalén, Xerusalen!..., 1992.
• Big-Bang, 1996 (premio "Concello de Vilalba").
• A saga da illa sen noite, 2001 (premio "Concello de Vilalba").

Ensaio histórico

• Galicia no século VI antes de Cristo. Estudo Histórico-Xeográfico da Ora Marítima de Rufo Festo Avieno, 1990 (premio "Universidade de Santiago de Compostela").
• Egipto, a viagem perdida de Egéria 1990.
• O incógnito monte Zephiro da "Ora Maritima", 1991.
• O descobridor que chegou do frío. A viagem de Cristóvao Colombo a Thule, 1992.
• A expediçom luso-dinamarquesa ao noroeste atlántico: alcançárom América os Portugueses antes do que Colom?, 1997.
• Nada novo debaixo do sol: A legitimaçom do poder atravês da arte na Roma de Augusto, 1999.
• Antes da invención de América. As descubertas precolombinas do século XV, 2001 (tesiña de licenciatura en "Xeografía, Arte e Historia na Universidade de Vigo").
• A arte ó servicio do poder. Alexandre-Augusto, 2001.
• A etapa portuguesa de Colón e a súa viaxe Ultra Tile, 2003 (premio "Taboada Chivite do Concello de Verín").
• O comezo da nosa Idade Media. A Gallaecia que se emancipou de Roma, 2003 (premio de "Historia Medieval da editorial Toxosoutos de Noia", e finalista do premio "Antonio Fraguas" do Concello de Cotobade).
• A cuestión da celtidade de Galicia, 2003.
• Os Olhos da História. A Cartografía, dos seus inícios ás decisivas contribuiçoes do português "Planisferio Cantino", de 1502", 2003.
• Consideracións acerca de Baiona e do Rei Afonso, 2003.
• Idacio Lemico: Chronica (379-469), 2004 (premio "Ramón Piñeiro" de Santiago de Compostela).
• A "Carta de París", considerada como de Cristóbal Colón, 2004.
• O rei Artur: Mito e realidade, 2005 (finalista premio "Ramón Piñeiro" da Editorial Galaxia).
• O Val Miñor na "Ora Maritima" de Rufius Festus Avienus, 2007.

Ensaio

• Pesquisas nas origens do mito de Tristám e Iseu, 1986.
• Xeografía do mito de Tristán e Iseu, 2000.

Teatro

• O valedor do reino, 2002 (premio de teatro da "Universidade de Vigo")

Traducións

• Chronica Hermerici, 2004 (tradución do latín. Premio de tradución da "Universidade de Vigo").

Ligazóns externas

• Ficha do autor na bvg
• Páxina de Xoán Bernárdez Vilar en Dialnet

---

Este artigo sobre unha personalidade galega é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---