Nabucodonosor II

Nabucodonosor II
	;
Biografía
Nacemento	c. 642 a. C. ; Uruk, Iraq
Morte	c. 561 a. C. (80/81 anos); Babilonia (Imperio Neobabilónico)
Rei de Babilonia
	605 a. C. – 562 a. C. ; ← Nabopolasar – Evil-Merodaque (pt) →
Datos persoais
Relixión	Relixión en Mesopotamia
Actividade
Ocupación	monarca, líder, rei
Participou en
586 a. C.	Siege of Tyre (en)
Obra
	Obras destacables Xardíns colgantes da Babilonia; (575 a. C.) Porta de Ishtar ;
Familia
Cónxuxe	Amitis da Média
Fillos	Evil-Merodaque, Eanna-sharra-usur
Pai	Nabopolasar
Irmáns	Nabu-suma-lisir
Cronoloxía
597 a. C.-597 a. C.	Siege of Jerusalem (en)
Descrito pola fonte	Dicionario Enciclopédico Brockhaus e Efron; Real'nyj slovar' klassicheskih drevnostej po Ljubkeru (en) ; New Encyclopedic Dictionary (en)

Nabucodonosor II, nado no ano 630 a.C. e finado no 562 a.C, foi un rei de Babilonia da dinastía caldea. Os seus 43 anos de reinado foron os do máximo esplendor do imperio neobabilónico.

Campañas

Fillo máis vello e sucesor de Nabopolasar. Casado coa filla ou neta de Ciaxares, rei de Media, foi un hábil negociador e diplomático. O seu pai enviouno a conquistar Siria en poder dos exipcios tras a disgregación do imperio de Asiria. Vencedor da batalla de Carquemis (-605), someteu Siria e Fenicia. Ese mesmo ano subiu ao trono, trala morte de Nabopolasar.

Derrotou a cimerios e escitas. Tras consolidar a súa amizade cos medos, dirixiu as súas expedicións cara Occidente. Conquistou Xerusalén no ano -597. Coincidindo con outro intento de invasión por parte dos exipcios, un novo levantamento de Xudá rematou coa destrución de Xerusalén e o seu Templo, así como coa deportación de moitos cidadáns prominentes a Babilonia. Durante 13 anos cercou a cidade de Tiro, que acabou recoñecendo a autoridade de Nabucodonosor. Realizou varias operacións de castigo sobre Exipto.

Construcións

Nabucodonosor foi un soberano moi devoto (especialmente do gran deus Marduk) que ergueu e restaurou gran número de templos. Fixo de Babilonia unha das grandes marabillas da historia da humanidade. O pazo real, a ponte e o túnel que cruzaban o Éufrates, canles, a porta de Ishtar con ladrillos esmaltados, o cigurat de Etemenanki de 90 metros de altura (posiblemente a torre de Babel da Biblia) e os irrepetibles xardíns colgantes de Babilonia realizados para aliviar a morriña de raíña Amitis, que suspiraba polas primaveras das montañas de Media, onde se criara. Nada diso sería posible sen a actividade obreira de numerosos cativos traídos das terras conquistadas.

Sucedeuno o seu fillo Amel-Marduk

Notas

Véxase tamén

Outros artigos