Arquipélago

O arquipélago situado na costa sur de Finlandia, no Mar Báltico.

O arquipélago de Hawai.

Un arquipélago é un conxunto de illas relativamente próximas unhas das outras. A proximidade débese, xeralmente, a unha orixe xeolóxica común para a totalidade do arquipélago, que normalmente se forma ao longo dunha dorsal oceánica.

Características

Etimoloxía

A palabra vén do grego Αρхιπέλαγος (Archipelagos), ou "mar principal" e designaba orixinalmente o mar Exeo, caracterizado polo seu gran número de illas (cícladas, Esporadas, Salamina, Eubea, Samotracia, Lemnos, Samos, Lesbos, Quios, Rodas etc.). Posteriormente, esta palabra pasou a denominar as Illas exeas en si. Cando Marco Sanudo, xeneral veneciano, tomoulle a maioría delas ao Imperio Bizantino a comezos do século XIII, converteuse en duque do Arquipélago.

Arquipélagos

• Europa
  • Illas Canarias (España)
  • Illas Lofoten (Noruega)
  • Illas Feroe (Dinamarca)
  • Illas Shetland (Reino Unido)
  • Illas Orcadas (Reino Unido)
  • Illas Anglo-normandas (Reino Unido)
  • Illas Baleares (España)
  • Illas Eolias (Italia)
  • Illas Xónicas (Grecia)
  • Dodecaneso (Grecia)
  • Cícladas (Grecia)
  • Espóradas (Grecia)
• África
  • Cabo Verde
  • Comores
  • Zanzíbar (Tanzania)
  • Mascareñas (Mauricio e Francia)
  • Seychelles
• América
  • Antillas
  • Aleutianas (nos Estados Unidos)
  • Galápagos (Ecuador)
• Asia
  • Maldivas
  • Indonesia
  • Xapón
  • Filipinas
• Oceanía
  • Hawai (nos Estados Unidos)
  • Fidxi
  • Micronesia

Véxase tamén

Outros artigos

• Arco insular
• Estado arquipélago