Base (arquitectura)
Para outras páxinas con títulos homónimos véxase: Base.
En arquitectura clásica, base é a parte inferior da columna, que ten como fin servir de punto de apoio ao fuste, ampliando aquel, e está composto xeralmente por molduras.
Segundo as ordes clásicas, a base cambia:
- Orde dórica: o fuste apoia directamente sobre o estilóbata.
- Orde xónica: a base consta de plinto, toro e dúas escocias cos seus filetes e astrágalos.
- Orde corintia: a base consta de plinto, toro superior, toro inferior, unha escocia, un astrágalo e dous filetes. Similar á base composta.
- Orde toscana: a base consta de plinto e toro.