Beniamino Stella

Beniamino Stella

Biografía
Nacemento	18 de agosto de 1941 (83 anos) Pieve di Soligo, Italia (pt)
Cardeal
22 de febreiro de 2014 –
Prefeito da Congregação para o Clero (pt)
21 de setembro de 2013 – sen valor ← Mauro Piacenza
President of the Pontifical Ecclesiastical Academy (en) Academia Pontificia Eclesiástica
13 de outubro de 2007 – 21 de setembro de 2013 ← Justo Mullor García (pt) – Giampiero Gloder (pt)  →
Núncio apostólico na Colômbia (pt)
11 de febreiro de 1999 –
Apostolic Nuncio to Cuba (en)
15 de decembro de 1992 – ← Faustino Sainz (pt)
Arcebispo católico
5 de setembro de 1987 –
Arcebispo titular
21 de agosto de 1987 – Diocese: Midila (en)
Datos persoais
Relixión	Igrexa católica
Educación	Academia Pontificia Eclesiástica Universidade Pontificia Lateranense Pontifício Seminário Romano (pt)
Actividade
Ocupación	sacerdote católico (1966–), teólogo
Consagración	Xoán Paulo II, papa
Sinatura

Beniamino Stella, nado en Pieve di Soligo o 18 de agosto de 1941, é un cardeal e arcebispo católico italiano, dende o 21 de setembro de 2013 prefecto da Congregación para o Clero.

Biografía

Formación

Naceu en Pieve di Soligo, na provincia de Treviso e na diocese de Vittorio Veneto o 18 de agosto de 1941. En 1960 trasladouse a Roma, onde estivo aloxado no Pontificio Seminario Maior Romano e estudou na Facultade de Teoloxía e Filosofía da Pontificia Universidade Lateranense.

O 19 de marzo de 1966 foi ordenado sacerdote polo entón bispo de Vittorio Veneto Albino Luciani, futuro papa co nome de Xoán Paulo I. Despois de se formar en Dereito Canónico en Latrán, Luciani destinouno á Pontificia Academia Eclesiástica.

Carreira diplomática

Comezou a carreira diplomática, e dende 1970 traballou nas nunciaturas en Santo Domingo, Zaire e Malta , e posteriormente foi promovido a pro-nuncio para a República Centroafricana e delegado apostólico no Chad.

O 21 de agosto de 1987 foi nomeado arcebispo titular de Midila, e consagrado na Basílica de San Pedro polo papa Xoán Paulo II, sendo os co-consagrantes Eduardo Martínez Somalo e Jean Pierre Marie Orchampt.

O seguinte 7 de novembro foi nomeado pro-nuncio apostólico para a República Democrática do Congo, e posteriormente foi tranferido ás nunciaturas de Cuba (en 1992) e Colombia (1999).

Curia Romana

O 13 de outubro de 2007 foi nomeado presidente da Pontificia Academia Eclesiástica, a institución que adestra aos diplomáticos para a Santa Sé.

O 21 de setembro de 2013 foi nomeado prefecto da Congregación para o Clero.

O 12 de xaneiro de 2014 o papa Francisco anunciou a súa creación como cardeal no consistorio do 22 de febreiro seguinte.